麗島小廚 (已結業)

今日黎呢間雞煲因為佢除咗麻辣雞煲之外仲有唔辣嘅椰子雞煲，3個人食要半隻雞就fit晒，因為仲想食少少其他野。雞同湯底分開上，睇落去佢哋嘅雞都幾大隻，半隻雞都有咁大碟，同埋佢嘅雞都幾靚。飲完原味椰子雞湯之後加湯開始打邊爐，其他配料就叫咗手打墨魚滑、蓮藕片、蜂巢豆腐、西洋菜同烏冬，啲火鍋配料樣樣都好新鮮，都幾抵食。手打墨魚滑竟然一份有兩Set墨魚滑，抵食。蓮藕片打邊爐夠爽。蜂巢豆腐即係冰豆腐啦，打邊爐一流。西洋菜都洗得幾乾淨。烏冬好食。