影片
更多
2018-10-09
228 瀏覽
今日嚟咗九龍維景酒店入面嘅西餐廳食buffet，一入到門口就有呢一幅咁靚嘅山水壁畫喺度歡迎我，大家見到呢一幅壁畫，再喺扶手梯上，左手邊就係餐廳，餐廳環境decent，貫徹酒店西餐廳的風格。一坐低梗係去海鮮吧拎返啲阿拉斯加長腳蟹回下本先啦，呢度嘅海鮮吧除咗長腳蟹之外，仲有紐西蘭青口，龍蝦仔，熟蝦，田螺同埋凍蜆；長腳蟹新鮮清甜，剪開蟹腳就有啖啖肉嘅蟹肉，熟蝦爽口彈牙，最難得嘅係田螺，未食過 buffet 嘅凍田螺有咁重嘅海水味，所有冷盤都無限refill，目測refill嘅速度都相當之快。食完海鮮吧就去食刺身，呢度嘅刺身好似哂冷咁一次過任攞，絕對唔會好似某啲buffet咁樣，又要排隊，又要限住一次攞三幾塊咁小家，淨係一次過攞20塊三文魚埋位嗰隻勝利者嘅感覺，已經夠哂爽皮。燕窩龍蝦濃湯，濃湯即叫即製，龍蝦味道未算好濃，不過個湯係食得出嘅鮮甜，每一碗都有唔少龍蝦肉喺入面，認真真材實料。海膽刺身蟹子沙律（ 每位一客），海膽刺身雖則係每位一客，但係份量一啲都唔嘢少，仲跟咗面頭有好多蟹籽嘅沙律同埋爽脆嘅紫菜俾你包住啲海膽一齊食，倍添滋味。香煎鵝肝，同樣屬於即叫即製嘅鵝肝亦都係回本項目之一，廚師將鵝肝
今日嚟咗九龍維景酒店入面嘅西餐廳食buffet，一入到門口就有呢一幅咁靚嘅山水壁畫喺度歡迎我，大家見到呢一幅壁畫，再喺扶手梯上，左手邊就係餐廳，餐廳環境decent，貫徹酒店西餐廳的風格。
一坐低梗係去海鮮吧拎返啲阿拉斯加長腳蟹回下本先啦，呢度嘅海鮮吧除咗長腳蟹之外，仲有紐西蘭青口，龍蝦仔，熟蝦，田螺同埋凍蜆；長腳蟹新鮮清甜，剪開蟹腳就有啖啖肉嘅蟹肉，熟蝦爽口彈牙，最難得嘅係田螺，未食過 buffet 嘅凍田螺有咁重嘅海水味，所有冷盤都無限refill，目測refill嘅速度都相當之快。
食完海鮮吧就去食刺身，呢度嘅刺身好似哂冷咁一次過任攞，絕對唔會好似某啲buffet咁樣，又要排隊，又要限住一次攞三幾塊咁小家，淨係一次過攞20塊三文魚埋位嗰隻勝利者嘅感覺，已經夠哂爽皮。
燕窩龍蝦濃湯，濃湯即叫即製，龍蝦味道未算好濃，不過個湯係食得出嘅鮮甜，每一碗都有唔少龍蝦肉喺入面，認真真材實料。
海膽刺身蟹子沙律（ 每位一客），海膽刺身雖則係每位一客，但係份量一啲都唔嘢少，仲跟咗面頭有好多蟹籽嘅沙律同埋爽脆嘅紫菜俾你包住啲海膽一齊食，倍添滋味。
香煎鵝肝，同樣屬於即叫即製嘅鵝肝亦都係回本項目之一，廚師將鵝肝煎得恰到好處，外面微微焦香，內裏有鎖住咗嘅鵝肝油香，好味。
鐵板燒羊架，拎返埋位嗰陣已經聞到羊架陣陣嘅香味，羊架外層香脆，內裏肉質軟滑，點薄荷醬或者芥辣都咁好味，係用料上乘之作。
另外仲有熱葷十幾二十款，有原條蒸石斑魚，避風塘炒蟹，辣酒煮花螺，豉椒炒蜆，芝士焗青口，生炒骨同埋白汁意粉等等，全部都相當之有風味，絕對係高水準高品質。
食到差唔多，對住呢又係十幾廿款嘅甜品，觸發咗我嘅選擇困難症，唯有忍痛揀選我嘅至愛芝士蛋糕同埋朱古力mousse，連甜品都相當之有水準。
埋單每人都唔洗四舊水，就有齊幾十款熱葷，甜品同各個回本項目等等，認真物超所值。
張貼
