200
38
19
港鐵旺角站 D3 出口, 港鐵旺角東站 B 出口, 港鐵油麻地站 D 出口 繼續閱讀
電話號碼
21973509
開飯介紹
棕櫚閣每天為客人提供各式豐富自助餐及各國美味佳餚,款式琳瑯,必能令客人回味無窮。 繼續閱讀
營業時間
今日營業
06:30 - 00:00
星期一至日
06:30 - 00:00
付款方式
Visa Master 現金 AE 銀聯 JCB Diners
座位數目
180
其他資料
Wi-Fi
酒精飲品
自帶酒水 詳細介紹
切餅費 詳細介紹
泊車 詳細介紹
電話訂座
加一服務費
招牌菜
法式海鮮紅花濃湯 香檳汁龍蝦 香煎法國鵝肝 吞拿魚、蟹籽、三文魚手卷 銀鱈魚西京燒 燉雙皮奶
食評 (273)
等級4 2020-09-22
1868 瀏覽
打電話去問至知已開番自助餐 客人唔多 可能都唔知 原來有優惠會員優惠 $158 連加一超抵食唔係會員 都有其他信用咭優惠熱葷多款式 ~ 好味道 酒店級數蒜味牛仔骨 白汁蘑菇青紅黃椒雞球 豉汁鮮尤 炸薯餅 冬陰功海鮮 白菜仔切件煎豬扒 ……粟米白汁魚塊~ 粟米汁香但魚塊有啲腥味豉油皇炒麵 夠香唔肥膩忌廉湯 鮮茄旦花湯 夠大熱 飲後冇頸渴白飯任裝 法包餐包配牛油 &菓占x2款云吞湯虾子味香 但 水餃皮厚少餡料鐵板燒 日日唔同主題 今日好好係羊鞍肉嫩 鮮味 唔騷 爐夠鑊氣面金黃肉粉紅魚生 凍虾 青口 壽司 都鮮沙律凍盤 放埋一齊 少咗幾款 都係多選擇煙三文魚 Parma ham蜜瓜 凍雞莎樂美腸芝士片 凍西冷牛扒片 多款生菜雜鮮菓沙律…… 鮮果 糖水 甜品 疍糕……飲品 蘋果汁橙汁 但 西柚汁較酸澀咖啡機沖杯靚咖啡 完滿結尾Hea食到2:30pm 好滿意滿足嘅1餐 繼續閱讀
(以上食評乃用戶個人意見 , 並不代表OpenRice之觀點。)
等級1 2020-10-21
0 瀏覽
星期三同媽媽試左九龍維景酒店的lunch buffet 一去到 就直接係取餐區 環顧左一圈海鮮: 蝦 青口(推介)冷盤:三文魚刺身 凍西冷牛扒薄片熱盤: 炸魚手指 口水雞 燒雞扒 。。。仲配有各式各樣的甜品 雪糕方面係dryers 除左雪糕杯 佢仲有甜筒供應以$168 呢個價錢黎講 真係算cp值很高了 繼續閱讀
(以上食評乃用戶個人意見 , 並不代表OpenRice之觀點。)
等級2 2020-09-29
578 瀏覽
呢排疫情漸放,住酒店又平。於是乎又同媽咪去抖下啦😂順便嘆下自助午餐。呢次食又星期日又竟然冇乜人嘩咁真係好正⋯⋯事關好耐冇食,全場大約坐咗6成左右。而今次自助餐好多款式,由魚生刺到沙律,熱盤到即整甜餅,仲有白飯,雪糕,生菓同菓汁茶啡任飲。重點係佢有refill 🤪 同埋刺生堅好食夠凍!重中之重係dryers 雪糕同甜筒係新款仲要任食買單只係$288。好似成人$148、長者有優惠😘會再去!希望佢唔好又轉差! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-06-16
2246 瀏覽
三歲就住在土瓜灣,當年連標誌性紅蘋果大樓都未有,想睇書,一係去九龍城既小童群益會,一係老遠去到窩打老道。而睇得書耐都會悶悶地,對而就係保齡球場,好多時都會走過去睇人打波。時移世易,原址已變成了維景酒店,而相信記得起的朋友不多吧!可能酒店位於旺角邊沿,幾個月來的活動都甚少波及,加上近日的疫情,生意受影響是免不了。有危就有機,逆境中更加要自強不息,就趁近月放鬆了「限聚令」,幾位朋友可以輕輕鬆鬆食餐飯。畢竟是酒店,對衛生有一定要求,客人都吃得安心。近日餐廳推出龍蝦戀上鵝肝海鮮自助晚餐,原價 成人$478 小童$328 長者$408,而優惠淨價 成人$378 小童$268 長者$328特別推介 法式海鮮紅花濃湯其實話法式又真的莫名其妙,但都幾甜同埋都有不少海鮮料,每碗都係熱辣辣煮,感覺良好。酸辣海鮮羹飲落飲酸辣湯,可能要遷就大眾口味,酸辣程度輕盈,玻璃芡埋得算薄,幾好。自助餐其中一個焦點,係每位奉送香檳汁龍蝦一客,體形不算大,但香檳汁帶出了肉質甜美彈牙,吃得出的新鮮。香煎法國鵝肝即煎的鵝肝那有不好吃的道理,外脆內軟而富油香,必食。羊扒及老虎蝦如果不怕羊肉的羶味,不妨試試羊扒;而老虎蝦煎得蝦殼脆卜卜好惹味。刺身 有三文魚、吞拿魚及原條章紅魚。冰鎮海鮮 有長腳蟹爪、扇貝、青口、翡翠螺、紅龍蝦仔與及灼海蝦。熱葷最吸引一定係星洲辣椒醬炒蟹,辣度幾澎湃,而且並非用上細蟹,好啱用黎送酒。另一道荷蘭汁焗扇貝,雖然較細隻,但荷蘭汁幾甜美,正好吊起鮮味。加上宮保雞丁、酥炸海鮮、香草烤羊髀、香芒炭燒排骨、白灼蝦及忌廉雜椒蘑菇意粉,熱葷的種類不算多,但好合胃口。前菜及冷盤自己一向都少食,不過有瑞士芝士、意大利莎樂美腸、燒牛肉、雜錦凍肉腸、煙三文魚、巴馬火腿及哈蜜瓜。沙律有青瓜片沙律、田園沙律、醃雜椒沙律、粟米火腿沙律及番茄沙律,想清清地無問題。本身壽司有吞拿魚及蟹籽,而三文魚手卷是即叫即包,紫菜不會吸收過多水份而變腍。水果杯好喜歡水果杯的設計,大家無須東翻西摷的,把食物弄得一塌糊塗。Movenpick雪糕有最常見的草莓、香草及瑞士朱古力味道,全都是迷你杯裝,夠衛生。飲品 冰凍果汁有橙汁、蘋果汁及西柚汁。甜品有德國芝士餅、法式雜餅、雜果啫喱杯、栗子蛋糕、藍莓芝士餅、香芒布甸、涼粉、拿破崙、Cupcake、水果撻及雙皮奶。個人比較鍾意栗子蛋糕及雙皮奶,前者鬆軟,後者幼滑。其實家陣出街食飯閒閒地都一二百,加多少少食好點都不錯吧 ! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-06-15
1848 瀏覽
每次搭車返屋企都會經過嘅一間酒店,相信大家對呢間酒店一定唔會陌生。不過講開香港好抵食嘅自助餐,呢到一定係其中一員。$400鬆啲又有龍蝦又有鵝肝食,相信外邊都唔會有太多自助餐可以做好到。九龍維景酒店出呢個龍蝦戀上鵝肝海鮮自助晚餐,可能你食完未必會超讚好嗰種,但係坦白講以一個相對平嘅價錢,都算可以接受。尤其係屋企人最鍾意呢啲平靚正嘅選擇,就好似屋企人有一班退咗休嘅朋友勁鍾意童軍總會自助餐。當然你話呢啲係好正嘅自助餐就一定唔係,但係一班人食得開心都幾好。睇下有乜好食,朋友話法式海鮮紅花濃湯好飲,呢個相對來講都係幾特別嘅,未飲過呢個味嘅海鮮湯。奉送香檳汁龍蝦一客,呢個絕對係今晚主角,都幾大隻,又幾好肉。香煎法國鵝肝都不錯,愛鵝肝的我如可以吃多舊就好。刺身方面,種類唔可以話係好多,但係質素不錯,又有吞拿魚、蟹籽、三文魚手卷等等。冰鎮海鮮吧有大部份平時見到嘅蟹腳和蝦之類。熟悉種類唔算話好多,有菜有肉有意粉,一定有一款啱你心意。甜品少不了Movenpick雪糕,又係食兩杯都值回票價。而家優惠淨價,成人一位 $398 ,小童$268而長者$338,價錢非常之適合一家人嚟食。 繼續閱讀
(以上食評乃用戶個人意見 , 並不代表OpenRice之觀點。)