小越廚

營業中

休息中

今日又來一個快食午餐，今日心癢癢想食東南亞菜。見到呢間越南餐廳入面都幾多人坐喺度。咁就諗不如今日食檬粉啦。餐廳環境唔算太大，但係座位一啲都唔迫夾，雖然今日落好大雨，但係都無礙我食越南菜嘅心情。招牌生牛肉檬粉$48，招牌生牛肉檬粉，本來加錢可以升級至A五和牛， 但係因為今日冇貨嘅關係所以只能夠食普通嘅牛肉，雖然冇被升級，但係牛肉嘅質素一啲都唔差，而且份量十足， 啲牛多到我食唔晒。檬粉唔會話碎濕濕，湯底清甜。越式魚露雞翼$44，雞翼香口，鍾意魚露嘅朋友一定要試。最後嚟返杯青檸梳打，簡直就係一個完美嘅午餐。