火五越式牛肉粉專門店 (華生樓) (已結業)

放工行返屋企嗰陣見到間越南野價錢又唔貴所以就入去試吓。夜晚七點幾，間餐廳都full full地 。頭盤叫咗個軟殼蟹木瓜沙律，軟殼蟹炸到脆卜卜，而且好大隻，木瓜味道清新。豬頸肉應該新鮮整好上枱，外脆內軟。大蝦紙米卷，入邊有啲脆脆地，入邊包左好多餡料令到口感非常豐富，點埋嗰醬更加好味，酸酸辣辣好惹味。最後叫咗個牛肉火車頭河粉，生牛肉同牛腩都煮得好林，有少少入口即溶嘅感覺，牛丸都好彈牙。呢間越南野碟碟啲份量都好大，真係大件夾抵食。