火五越式牛肉粉專門店 (華生樓) (已結業)

今日出去太子行街，我哋揀咗食越南嘢，嚟到火五門口好彩仲有2張吉枱，快快入座叫野食啦。 我哋兩個人就嗌咗兩碗粉，兩款小食，同埋2杯嘢飲都係二百蚊鬆啲。價錢抵食份量又多👍🏼意大利黑醋汁蒜蓉牛油雞翼 $3838蚊有五大隻雞翼，仲要係即叫即炸， 上面鋪滿蒜蓉，食落非常香脆，配埋黑醋酸酸甜甜食落更加醒胃，炸得剛剛好咬樂雞翼仲係好juicy。火五火車頭牛肉粉 $62火車頭牛肉粉真係超級足料又大份，有生熟牛肉、和牛牛丸、扎肉 ，我哋兩個人叫咗兩款主食share食，每人都食到兩碗🍜🍜， 生牛肉 浸喺熱湯入面吸收曬湯底嘅精華，肉質都嫩滑， 個人最欣賞佢個和牛牛丸，入面仲係好多汁又好有牛味。 而個湯亦都好出牛味，連啖湯都飲埋 都唔會口渴。 香茅美國黑毛豬扒撈檬 $56食越南粉有點少得撈檬呢😝今次就揀咗豬扒撈檬， 一上枱都嚇親因為真係超級大碗，上面佈滿紅蘿蔔絲同埋青瓜絲，撈埋汁酸酸甜甜好開胃，啱曬夏天食👍🏼， 黑毛豬扒夠曬軟淋，入口有啲甜甜地，食唔停口。黃金脆魚皮 $32炸魚皮入口鬆化，每一舊魚皮都沾滿鹹蛋黃👍🏼青檸梳打 $19消暑飲品，酸甜醒胃， 解暑一流。