火五越式牛肉粉專門店 (華生樓) (已結業)

聽到同事話去太子火五越式牛肉粉專門店食越南野，我都好耐冇食過，同事話餐廳無論小食定越南粉都大件夾抵食，味道方面都唔錯，一於跟埋去試吓！越式魚翅花膠雞湯河，湯河裡面有魚翅和花膠，雖然唔多，但幾好食，柔滑軟腍，而雞件份量唔少，肉質嫩滑，有雞肉味，河粉份量很足，還可以免費加河粉量，湯也很清甜，值得一試。吉列豬扒豬骨湯拉麵，估唔到越式餐廳做拉麵都好好食，豬扒大大塊, 炸得很香脆, 而且乾身, 不會油膩,湯底主要是豬骨湯，真的非常濃郁鮮甜。拉麵亦好彈牙！越式蝦春卷，即叫即炸，非常香口，蝦亦夠彈牙！香茅雞翼，雞翼外皮夠香脆，而且香茅味濃郁。峴港吉列炸蝦餅香脆可口。