阿來東南亞風味 (已結業)

同朋友食過幾次覺得唔錯,今次同屋企人去食，佢地都覺得幾好，價錢又唔貴。 叫左馬拉盞炒椰菜苗，好惹味又大碟，炒完出黎仲好翠綠，推薦!其實仲可以選擇蒜容/飛天(辣)，不過屋企人唔食辣椒。 另外又叫左個咖哩軟殼蟹多士盒，個咖哩係唔辣果種黃咖哩，而且好重椰香味，有少少甜味，沾麵包食好夾，跟原隻軟殼蟹，啖啖肉，炸粉唔算太厚，連咖哩食唔乾，我地另外叫左白飯，咖哩汁好好餸飯，好快KO一碗。 跟住又叫多左個小食炸蝦餅，有6大塊，炸粉薄而脆，同泰式辣椒真係絕配，推薦!最後埋單$250三個人，好合理價，一定會再回頭，佢仲有D抵食午餐。