逸東軒

午市茶一日有三個時段 每節1.5 hrs 我哋揀咗中間12:45-2:15💫我估嚟得呢度飲茶嘅都預咗唔係過嚟睇報紙閒聊hea 所以呢個用餐時間我覺得都合理而且足夠，加上佢哋嘅上菜都算快，絕對有足夠嘅時間食到飽飽咁走🥰

-
❶ 茶芥 ($28)🍵
評分：7/10
短評：我哋都唔係喫茶L 所以都係叫返最普通嘅普洱🙈茶芥喺酒店嘅中菜廳來講唔算貴 一壺茶 一壺水下面都有蠟燭🕯️去保持溫暖，覺得幾貼心，加上服務員時不時都會過嚟幫我哋斟茶，呢啲都係普通茶樓唔會有嘅service😹

❷ 筍尖鮮蝦餃($38)🦐
評分：8/10
短評：我諗都已經有好幾年冇食蝦餃 原因係一直都鍾意食燒賣多啲所以通常枱面有都唔會夾🤭點菜嘅時候都有一刻諗緊試唔試蝦餃 但因為見到好多人都推介所以最後都係叫咗😙果然冇令我失望‼️「皮薄餡靚」呢四個字足以形容，外皮好薄好薄👍🏻唔會好似一般茶樓咁又厚又硬，而且個餡料好實淨唔會好似平時嗰啲失蹤的蝦餃咁🤧咬開發現入邊係原隻蝦，食落好似雲吞咁，唔係好識形容但如果去食嘅朋友必試：）

❸ 帶子蒸燒賣 ($38)🐖
評分：6.5/10
短評：食完好味嘅蝦餃燒賣即刻比下去😞面頭上嘅帶子好淋但同一時間都冇乜味 口感上層次欠奉，但整體來講係好食嘅，不過始終每個人口味唔同，我阿媽就覺得燒賣好食過蝦餃haha🤣

❹ 春風得意脆皮腸粉 ($38)🍤
評分：8/10
短評：有人話每次飲茶都會叫碟腸粉 但係唔鍾意食芫荽 唔鍾意食牛肉腸嘅我表示平時飲茶都唔會食😹但炸両另計嘅 不過最多都係食一舊半舊🤧開頭以為淨係改咗個靚名嘅炸両 點知原來係腸粉入面包住油炸鬼再包住蝦滑！！！🤩打邊爐鍾意食蝦滑/墨魚滑嘅我表示好好味😆而且油炸鬼熱辣辣脆卜卜好好食🥺而家諗起都想食hahhaha~

❺ 逸東小籠包($48) 🥟
評分：5/10
短評：成餐最唔好食嘅一碟 仲要係最貴嘅一款😢小籠包嚟到嘅時候熱辣辣 我諗大家都知一咬落去就會有好多湯汁流出黎 為免"辣"親條脷 所以我哋都攤左兩三分鐘先食 點知面頭嘅皮已經硬晒😞小籠包個頂仲要硬到變成一舊變成一舊硬實實嘅麵粉😟餡料唔錯 配上醋味道好，如果可以改善下外皮個問題就更好！

❻ 蜂巢海鮮芋角($38)🍠
評分：8/10
短評：我諗係我食過最好味嘅芋角🤩上菜嘅時候熱辣辣🥳相信新鮮滾熱辣啱啱炸好，芋泥餡料好滑好粉，加埋肥豬肉佢豐富個口感值得一讚👍🏻面頭個蜂巢皮鬆化又脆，所以佢絕對值2張相🤣大家可以睇吓(圖8)嗰個橫切面😋個皮唔厚但係唔會揸上手就散晒，所有嘢都恰到好處 絕對係會encore嘅一款😆‼️

❼ 脆皮流沙酥 ($38)🥐
評分：7/10
短評：原本睇好多食評介紹脆皮流沙包 鍾意食奶皇包 又鍾意食炸饅頭嘅我表示好想嚟試 點知打開Menu發現冇咗，店員話原來佢哋會定期轉Menu 最近次嘅就係呢個脆皮流沙酥，所以都try try佢😙一口size識落唔會好論盡 跌晒啲酥皮出嚟，咬開發現中間係真係有流沙餡流出黎👍🏻(成日比搣開發現唔流嘅「流沙奶黃包」搞到有陰影🥵)味道中規中矩，但係又唔算好特別，不過踩正我鍾意食嘅流沙 所以都有7分🤣

❽ 金沙脆豆腐 ($38)
評分：5.5/10
短評：ummmm...食落口都有少少失望 嚟到嘅時候已經係微暖 唔知炸完放咗幾耐😅加上味道比較淡 又冇醬點(之前出面食過有啲有醋有啲有泰式辣醬)覺得出面大排檔嗰啲好食過佢，整體來講表現中規中矩，大家可以衡量下叫唔叫😖
——————————————————————————
゛逸東軒 (佐敦)
📍 佐敦彌敦道380號香港逸東酒店B2 樓層
⋆͛人均消費：$130💰
⋆͛性價比指數：7.5/10🧮
⋆͛環境服務：8/10💁🏻
⋆͛ 打卡指數：7/10📸