影片
更多
2016-04-27
474 瀏覽
就黎母親節，梗係要同母親大人食餐好。我地一家十幾人，阿爸口味又保守，最啱就係去中式酒樓食中菜，叫一圍，啱啱好。阿妹gup到富臨有個燒鵝海鮮宴，閒日食會比周末平$1000，10至12人全包價$1980，仲有海鮮添，好似唔錯喎，一於周一全家出動！第一味係燒鵝，堅係鵝黎，勁大隻，好多肉，我地人多又肚餓，唔駛三兩下手勢就搶晒！講番個味道，鵝皮保持香脆，而且唔會肥騰騰，鵝肉好腍好入味，食多幾舊都唔會爆quota。第二味係焗美國龍蝦，餐牌寫法式，我唔知法蘭西有無呢D野食，只知佢其實=芝士焗，哈哈。龍蝦多肉爽甜，芝士鹹香，當然唔好錯過個伊底，索晒D汁勁美味！西蘭花炒珊瑚蝦球，無論珊瑚蚌同蝦球都好爽口，點埋醬汁食一流；我係食肉獸，平時麻麻地食菜，不過呢個西蘭花都做得幾腍，而且索左湯汁，所以我都幾鍾意！跟住到我既飛佛 -- 金銀蒜蒸鮮帶子。師傅將火候控制得好好，帶子鮮甜又唔靭，蒜蓉唔駛講夠晒香，記得食埋墊底既粉絲，入晒味。另一重點即刻又出場 -- 果皮蒸十二頭大連鮑魚，有成18隻咁多，可以好食好味再encore。鮑魚好香陳皮味，絕對無蒸過火，我手快，連食兩隻！去飲最鍾意食魚，所以呢條清蒸珍珠龍躉又係好啱
阿妹gup到富臨有個燒鵝海鮮宴，閒日食會比周末平$1000，10至12人全包價$1980，仲有海鮮添，好似唔錯喎，一於周一全家出動！
第一味係燒鵝，堅係鵝黎，勁大隻，好多肉，我地人多又肚餓，唔駛三兩下手勢就搶晒！講番個味道，鵝皮保持香脆，而且唔會肥騰騰，鵝肉好腍好入味，食多幾舊都唔會爆quota。
第二味係焗美國龍蝦，餐牌寫法式，我唔知法蘭西有無呢D野食，只知佢其實=芝士焗，哈哈。龍蝦多肉爽甜，芝士鹹香，當然唔好錯過個伊底，索晒D汁勁美味！
西蘭花炒珊瑚蝦球，無論珊瑚蚌同蝦球都好爽口，點埋醬汁食一流；我係食肉獸，平時麻麻地食菜，不過呢個西蘭花都做得幾腍，而且索左湯汁，所以我都幾鍾意！
跟住到我既飛佛 -- 金銀蒜蒸鮮帶子。師傅將火候控制得好好，帶子鮮甜又唔靭，蒜蓉唔駛講夠晒香，記得食埋墊底既粉絲，入晒味。
另一重點即刻又出場 -- 果皮蒸十二頭大連鮑魚，有成18隻咁多，可以好食好味再encore。鮑魚好香陳皮味，絕對無蒸過火，我手快，連食兩隻！
去飲最鍾意食魚，所以呢條清蒸珍珠龍躉又係好啱我。條魚好夠分量，調味唔錯，蒸魚豉油送飯至啱。
出街食蜆，好多時都無期望，因為唔係過靭就有沙。呢碟油鹽水浸本灣肥蜆就叫我喜出望外，蜆肉鮮甜又唔靭，完全無沙，大家真係搶住食。
海鮮菇浸翡翠苗，我主攻本菇，索晒雞湯，好食。
食到呢度，其實已經好飽，但呢味飽魚仔福建炒飯我唔想錯過，一於食埋佢。鮑魚雖然細細隻，但仍然有鮮味，飯粒分明，真係唔好嘥！
最後仲有甜點同生果。糕點係紅棗糕同椰汁糕，兩款都係淡淡既甜味，唔會好似一般酒樓既甜品咁，甜到糖尿病，所以我都好滿意！食晒全餐，每人計番唔駛兩舊水就有咁多海鮮食，我覺得實在正斗！
張貼
