富臨漁港囍臨門皇宴 (已結業)

為慶祝齊齊一TAKE PASS EXAM,所以約左飲茶，原本打算去深水場某間米芝連推介餐廳，但太多人等位，於是去附近看看有沒有其他中式茶樓，見門口無咩人等位，所以就選了呢間。樓下派飛姐姐態度唔錯，但上到去其他待應，推點心姐姐的態度實在不能接受。首先叫左銀蘿脆皮腸，食物質素OK，裏面夠香甜鬆脆，咬落有口感之後又叫左傳統點心蝦餃和粉果味道剛好，皮夠薄，夠熱 蒜容蝦春卷，熱度一般，而且特點有點貴 之後還叫了香麻流沙包、燒賣、咸水角等 有點失望，沒有奶皇流沙包！ 之後的燒賣苦侯半小時，三催四請才到 咸水角等足４０分鐘都沒來，於是向待應催單 部長只是把我們的點心單印返比我們就無再理我們 之後催另一個待應，她同我們講你同部長講 我話部長無理過我們 之後她先慢手慢腳拿起張點心單毫無意欲幫我們催單 跟住我話我知你好忙，呢度成間房得你一個待應， 但無理由咸水角仲等得耐過燒賣 但她依然無動於衷 於是我發火話你叫經理來，我同經理講 跟住她竟然話你而家咩態度 我話呢句應該我同你講 跟住我就話你叫咩名 她就話找到你自己找 又話呢度無經理，我唔搵經理 要搵你自己搵 之後我無名火起三千丈 見到經理係收銀附近入單 我

今日係入冬以黎最凍既1日,咁就當然要打下邊爐啦之前買左團購,咁就去食啦~~買左8點半後入座,$98 1位,埋單時比埋加一就可以了平平地打個邊爐,期望真係唔好太大湯底都唔多選擇,揀左沙爹湯底但無咩味咁出去醬料區攞D沙爹醬溝一溝去啦但醬料區,醬得幾款,隔離應該有碟係比客人裝醬料既,但D碟好似無洗咁囉飲品區,飲品勁少選攞,汽水得3款,同埋有啤酒囉,選擇太少漏單情況都幾嚴重寫左好多野都無黎,要再入過單先黎有D寫左2次都無黎肥牛,丸類都無咩特別,肥牛比較肥反而魚皮反而出奇地好食,仲好大份南瓜好甜平平地打邊爐,野食不過不失啦,不過真係唔駛抱好好食既期望

Parents need me to accompany with them to go to flowers market, but before going there, drink tea is the common sense.Parents introduced this restaurant to have our tea. The staff were very busy, we need to wait about 10 mins before the staff found we had rasied our hands to ask for help. Frankly, the price of the dishes are really low, so we ordered roasted goosse noodle, fried fish ball, fried eggplant with fish mud and red bean Mickey as the dessertroasted goosse noodle: the skin is cripy, th

今日打風，家姐話要去飲茶。問左兩間舖頭都話唔開午市。 就行左一段路去左富臨食。一開始就嚟左個大煎堆，有成4個咁多，好耐無響茶樓食過無餡大煎堆了，夠曬脆同香芝麻味。仲有芝心雞批，外表係幾好睇，裏面真材實料，有幾多餸吓，個牛油批幾有份量，但就唔覺得有芝士，係有啲失望。乳鴿一隻$18.8,勁抵，驚中伏，所以叫住一隻先，點知係熱辣辣好新鮮，唔太肥，有肉地，所以都叫多左隻！仲要依個整法無咁熱氣啊。我至愛既燒賣依度做得幾好，皮薄薄咁無乜肥肉，蝦夠爽口，仲有好香冬菇味添！雖然依度嘅食物都幾好，又唔貴，但坐就麻麻啦，椅有啲爛同唔舒服呢，咁舊，係咪應該換吓去呢～

1/10/2017,我同老公去攞月餅順便飲下午茶，攞左飛，上到去冇人理，咪自己揾位啦（當時好多吉位，不過未執枱）於是我倆揀左張6枱坐等左好耐都冇人開茶，終於有人開茶，但企到好遠嗌問飲咩，我地要大聲嗌番過去，之後另有一阿姐問我地“幾個位，做咩坐哩度”我答佢：“冇人帶位，我地自己揾位坐”，佢之後自言自語行開左，過左一陣，專登安排其他茶客搭枱，重點係，其實有好多吉枱，個阿姐專登咁做，最終我地因為未叫野食，所以走左咁嘅服務態度，點會仲有人幫襯架

有日早上同朋友去飲早茶，上到去巳經見到好多張枱人巳走咗，但枱依然未執，侍應個個行來行去，都唔理，最慘就係，我同朋友坐低想求人執枱都好難，搵親個個侍應都話“乜嘢事呀”非常差勁，卒之都同朋友走咗，去茶餐廳食算吧！

有晚同家中長輩食飯,長輩一眼就睇中咗富臨門口嘅特價單張,當然要順下佢意啦.一坐低即刻叫個龍蝦烏冬,銀魚粉絲煲同埋蒸鱔.侍應不停推介冬瓜盅,要拒絕幾次先心熄.平時都有嚟依度飲茶,以為中午嗰陣好陽光所以先至唔夠冷氣,原來夜晚冷氣都唔太足夠.龍蝦烏冬都出得幾快,而且雖然係特價,但係質素都唔曳.芝士多到滿瀉,龍蝦都幾多肉.要拆殼嘅位都唔少.廚師應該有拍過個殼,可能用得唔夠力,始終都要問侍應攞工具.鐵鉗真係非常輕,一係就用鈦金屬嚟做,一係就鋼水差.冇所謂啦,食隻龍蝦姐,拑到就得啦.銀魚粉絲煲裏面有蝦米,蝦乾同埋好多椰菜.因為粉絲嘅分量比例實在太多,所有嘢撈埋一齊之後,蝦米蝦乾好似唔見咗蹤影咁.但係食粉絲嗰陣係會咬到,同埋會有蝦味嘅.粉絲乾左啲,蝦米/蝦乾/椰菜都淡口,唔太適合我.枱上面嘅粉絲同埋龍蝦都食曬啦,但係叫咗嘅鱔好耐都未到.足足等咗五十分鐘先至追單,侍應只係答鱔係要蒸耐啲嘅,半強迫要佢跟進,過幾分鐘之後佢返嚟話"嚟咗,嚟咗".明明未嚟,以為去咗平行時空,我哋用幾分鐘互相確認真係未嚟之後再去追單.相同嘅答案,不過今次指住一個方向.今次真係來喇.頭先答我哋嘅應該係預告.千辛萬苦等左接近一個鐘

舊同事食飯 唔夜得嘅 就訂近MTR嘅酒樓~太子富臨 去到見walk in嘅2位都已冇位好彩早上訂咗位 有禮貌嘅女經理之前食過乳鴿大閘蚧都食得開心嘅但今次就”差咗“很多……場比較熱 幾張櫈都爛 又漏單又冇貨 味重濃油膩 食材質差 堆單戴眼鏡女服務員 態度就差啲張單計多咗茶位加一 要修正就正常佢竟然話畀返現金就得喇 唔駛改咁煩啦…o晒嘴大XBank信用咭優惠 指定餸菜優惠少少其他優惠燒鵝 或 雞 就要正價講番點咗菜 回頭即答”冇“貨 7點鐘就賣晒 攪咩白飯魚炒疍“冇” 海參鵝掌”又冇“西蘭花龍躉球”都冇“ 花膠冬菇煲”又話冇“乳鴿 即炸脆皮肉嫰香 中size 芝士波士頓龍虾伊麵 ~$148都唔算底食 (稻X做緊68)龍虾碎件 包咗厚厚嘅炸粉炸到干晒 肉扁黃難分頭尾 傑遢遢嘅芝士 味重雙拼198冬瓜盅(98) 豉汁蒸鱔(128) 冬瓜盅~只係切厚件放在大湯碗嘅煮湯豉汁鱔~ 細鱔薄切 油多豉汁少唔夠咸小食~炸豆腐~炸得脆 但有少少苦味雞腳唔淋有咬口 淋少少就更好食全包宴就底食嘅 ……散餐茶位nut加一就唔經濟啦

同屋企人慶祝生日, 我提議近近地食富臨, 屋企人都同意就BOOK 左呢間準時黎到, 即刻有位, 睇下MENU, 做緊晚市優惠咁啱我地5位, 可以揀$40半隻燒鵝皇, 或者$18隻豉油雞, 只可以二選一, 真係無眼花架個價錢超抵食, 即刻揀要半隻燒鵝啦另外加左幾個小菜, 包括果皮蒸鮑魚, 薑蔥焗肉蟹, 泰皇蝦腰炒通菜, 脆鹵豆腐上菜速度都幾快先黎炒通菜, 有鑊氣, 辣辣地幾惹味蝦既份量都幾多, 雖然唔係新鮮, 但口感都OK果皮蒸鮑魚, 蒸得啱啱好, 鮑魚無蒸得太老, 魷魚連殼上, 唔使俾阿媽話D 殼係用完再用, 哈薑蔥焗肉蟹, 味道OK, 不過唔夠惹味脆豆腐好正, 外脆內軟, 炸粉又唔厚, 好香口下次再黎再食

從來未試過「漁港」和「皇宮」，因為富臨集團一向酒樓飲茶質素都是不敢恭維⋯⋯今晚試了傳單上面的超值鮮活四斤半大蟹（$780）和龍蝦套餐平到笑，可選龍蝦配燒味孖寶。阿拉斯加蟹給各人觀賞完立即清蒸，新鮮的食材並不用特別調味，已經鮮甜到漏，剛好八人大擦了四斤半。除了海鮮，也試過其他餸菜，味道也不錯，祇是上了兩個菜也是落錯單，波士頓龍蝦跟燒鵝孖寶換了叉燒，家人沒有所謂便照單全收，服務態度有待改善。太子地點非常就腳，所以一定會多回來幫襯！

星期六行花墟行到2點， 又見肚餓，長老們話帶我食一人一籠蝦餃， 真的嗎？她們帶我來到富臨食下茶， 不過等位都等左15分鐘， 終於上到去， 不過俾佢部嚇死， d掣按極都唔著， 上2樓就上左1樓打開， 終於可能係熟客出手按住2字成功到達2樓， 不過要同佢鬥快出口， 因為佢好快關門😨😨入到去，無人理，帶位的部長唔見左，原來唔係，只係佢企左係廳中間招手叫人入， 郁都唔郁下， 咁揮左好耐手， 才知道叫我地入去坐😓坐下後又是無人開茶， 最後好不容易找到開茶的侍應生， 不過開一壺唔記得一壺😧長老很開心立即攞著點心紙寫寫填填， 在蝦餃一欄上填上“5”， 還填了其他點心，舉手很久，終於有部長慢慢地行過來收單，收單不久就有位樓面姐姐走來說：“真的5籠蝦餃？!”長老說“是!”。 我望一望張單, 原來$13.8, 唔怪得知長老話每人一籠啦！5籠蝦餃😆😆:不要以為一定將貨就價， 兩隻細蝦加適量竹筍， 味道口感不錯還點了以下食物:柱花糕同豉汁煎釀茄子:柱花味淡， 不過甜味夠豉汁煎釀茄子：豉汁味濃， 茄子煎得外脆肉軟，魚肉ok麻蓉流沙包：👍流沙做得好， 一撕開麻蓉即時流出，👍煎堆仔：芝麻多， 糯米皮薄煙韌， 炸

此富临酒家的岀品也是可以的，嚐了碗＂叉燒湯瀨粉＂的叉燒是瘦了些喲！可味道也不錯的呀！瀨粉爽口也彈牙的兼還有2条菜心給點綴的呀！健康得來也美覌呀！👍👍😀😀😀＂双皮奶＂👍此更為是好極了的呀！👍👍👍👍👍奶貭滑滑地讓我讚不絕口的呀！😀😀😀😀😀味道不咋太甜的呀 ！真為恰恰好的呀！👍👍👍又經濟又好吃的養顔兼健康的好甜品呀！👍👍👍＂南瓜煎堆＂👍👍👍👍👍同是此酒家的杰品的呀！此有白芝麻佈滿整个煎堆上，又香又甜兼有糯米香氣的煎推，可真的好吃无比的呀！👍👍👍👍👍😀😀😀😀

職員解釋清楚. 大閘蟹.買一送一. 不能用$48跳舞雞同用.及落單時已經說明,買一送一ｃｏｕｐｏｎ不可加追，值得讚。但晚市冇桂花榚

唔夠人就請人啦。呢間店d服務員，叫佢攞d野，加碗飯，一係嘿口嘿面，一係唔理你扮聽唔到，叫一碗飯叫成十次。野食非常一般，再加上甘既垃圾服務態度，絕對唔會來第二次。好心唔想做就翻屋企抖啦

去完鶴咀，已經十分疲倦，友人提議找一家中菜，也沒有深究下就與另一友人會合在太子一家酒家，富臨旗下。這間中菜本身算是普通，但看評價卻深差，心裡都覺得無甚期望。三個人就少少地叫幾個餸。說來奇怪，以前酒家食中菜都有很多菜牌，現在這家只一個彩色餐牌，但內裡的餸款式卻十分少。也許，是貴精不貴多吧？先來手抓跳舞雞，老實說賣相有點古怪，甚至嚇人。以為是春雞的大小，雞肉有限，誰不知這隻雞的雞肉勁多，肉厚又嫩。加上剛燒起，一撕開啲雞油就飊出來了，雞皮有點像炸子雞。以$48這個價錢絕對抵食。另一道是龍蝦伊麵。伊麵份量頗多，充份浸在上湯裡。有豐富味道的龍蝦上湯，令我們都覺得這個伊麵有點功架。龍蝦算是在預算之內的味道，但因為肉多，所以尚算抵食。清蒸沙巴仔，都算大條，蒸剛剛好，鼓油略淡，全靠生葱撐起魚肉味道。不過以百多元來說是還可以的。最後是一個小菜，海參鴨腳煲，算是普通但可收貨的一個小菜。埋單每人約$190，味道不過不失，但浪子認為比這兒抵食的大有人在。服務方面，有位侍應其實幾肯做，但全個場好似無伙記咁，結果做來做去都係佢，一個人睇廿張檯咁滯，可能真係生意不景氣，所以cut了一些人手？