本佐日本燒肉料理 (已結業)

之前去開尖沙咀行街， 經過開呢間本佐日本燒肉店， 見到佢室外有得坐有得燒嘢食， 覺得好有氣氛， 所以決定搵日去試一試。 咁啱今日約咗朋友聚會， 就決定試下呢間日本燒肉放題。一入店内發現裝修唔錯，牆上有多款日本poster，加$40啤酒、汽水、清酒任飲，正中間有吧枱位，任飲嘅可以方便隨時order，啱晒喜歡飲酒食燒肉嘅朋友。餐廳以平板落order，非常方便，而且款式非常之多，除了燒肉仲有刺身、海鮮、壽司、野菜、小食、炸物。我們叫了非常多種類，樣樣都好新鮮好好食，唔似其他餐廳放題比啲唔新鮮，或者非常細件食物。本佐沙律、蟹籽沙律、胡麻沙律小食: 枝豆燒肉:西班牙黑豚五花腩、極上牛小排、一口和牛、鷄亦唐揚炸鷄、炸雙皮奶、吉列炸蝦、一口甜薯、炸薯格壽司:三文魚籽軍艦、蟹籽軍艦、三文魚壽司、火灸三文魚壽司、火灸和牛西冷壽司刺身:甜蝦、三文魚、玉子燒、北寄貝、松葉蟹棒、帶子藍妹啤酒包羅萬有，好食到停唔到口，要捧住個肚走。