吞POT 雞煲火鍋.住家菜 (已結業)

今日同同事一齊OT，大家都又攰又肚餓，於是提議一齊食晚飯，而且出符意料地大家都想打邊爐，咁即刻打開電話搵公司附近嘅火鍋店店，我哋揀咗呢間叫吞pot雞煲，價錢都幾實惠，仲有打邊爐啱晒我哋心水。一入店舖就見到個超大魚缸吸引住，老闆養左好多魚係入面，食嘢時都可以慢慢睇魚觀賞。我哋叫咗個鴛鴦湯打邊爐，枱面上有齊唔同嘅調味料俾大家按口味選擇，餐牌上有好多好多自家製手打丸可以揀，雖然好想一次過試晒，不過我哋都唔大食，唯有等下次再試埋其他！雪花肥牛真係好高質，新鮮又好味，真係可以食極都唔停，每次打邊爐我都一定會叫會叫埋烏冬食，呢間鋪啲烏冬可以排係我心目中頭幾位好食嘅烏冬，好味又夠彈牙。另外要讚嘅係佢哋啲蔬菜好新鮮，見到都想食多啲。食完呢間吞pot，估唔到係咁高水準，真心推介大家！