影片
更多
2021-09-21
17 瀏覽
最近呢間日本壽司餐廳可以話係其中一間人氣大熱嘅餐廳 分店短期內已經開咗好多間 我亦都你過呢間舖頭食幾次 當中食物嘅水準質素都keep到唔錯所以都介紹吓今次壽司方面試咗個 東京爆脆$88入邊原來係炸蝦同埋蟹柳加埋佢哋自製嘅芝士汁 成壽司飯卷 所以食落去脆卜卜 網燒牛舌$58🐂 呢個牛舌可以話係強烈推介 因為好少地方嘅牛舌食落去係咁入口即溶 而且每塊嘅調味都做得幾好 食落去有浸燒汁同埋網燒味道 算係一個非常開胃嘅小食原條茄子燒$48 🍆都茄子嘅份量都幾大㗎 真係成條茄子 最特別嘅係茄子上面仲鋪滿蝦乾 小食來講都算幾揼本 因為同一個價錢出邊淨係食到一條茄子最多加啲蒜蓉 呢度竟然有咁多份量嘅蝦仔 無論係外觀定係味道都加晒分最後飲品方面叫咗個 百香果益力多特飲$38你到飲品嘅份量都好大杯 都叫做對得住佢嘅價錢 不過嘢飲就有啲太過甜個人覺得 如果唔鍾意太甜嘅可以下次試吓其他種類嘅飲品
今次壽司方面試咗個 東京爆脆$88
入邊原來係炸蝦同埋蟹柳加埋佢哋自製嘅芝士汁 成壽司飯卷 所以食落去脆卜卜
網燒牛舌$58🐂
呢個牛舌可以話係強烈推介 因為好少地方嘅牛舌食落去係咁入口即溶 而且每塊嘅調味都做得幾好 食落去有浸燒汁同埋網燒味道 算係一個非常開胃嘅小食
原條茄子燒$48 🍆
都茄子嘅份量都幾大㗎 真係成條茄子 最特別嘅係茄子上面仲鋪滿蝦乾 小食來講都算幾揼本 因為同一個價錢出邊淨係食到一條茄子最多加啲蒜蓉 呢度竟然有咁多份量嘅蝦仔 無論係外觀定係味道都加晒分
最後飲品方面叫咗個 百香果益力多特飲$38
你到飲品嘅份量都好大杯 都叫做對得住佢嘅價錢 不過嘢飲就有啲太過甜個人覺得 如果唔鍾意太甜嘅可以下次試吓其他種類嘅飲品
張貼
