樂園魚旦專家 (利東街市)

我同男朋友最近鐘好鍾意食潮州粉麵
今日lunch去咗鴨脷洲利東街市嗰度食樂園魚蛋粉
雖然開係街市，但店舖環境整潔，坐得幾舒服
價錢貼地，晏晝嗰陣都好多街坊食啊

我叫咗 招牌四寶丸米粉
特別鍾意食呢度嘅白魚蛋，新鮮手打白魚蛋
爽口彈牙，大大粒真係好好味呀
仲有魚片頭、墨魚丸、豬肉丸、魚皮餃
墨魚丸都好好味，真材實料

牛腩米 $36
牛腩有好多件，每手肥瘦均勻
一肥一瘦隔住，牛腩油脂好香啊
口感唔算好硬，有口感
湯底加入腩汁，每啖米粉都幾索湯，啖啖牛腩味
識食梗係要加秘製辣椒油撈匀，滋味好多啊🤤