樂園魚旦專家 (利東街市)

今天和友人在鴨利州大街閒逛；不經不覺已到晚餐時間， 附近有間傳統的粉麵店，原來樂園魚旦專家在利東邨都有分店！ 它在利東邨路5號利東街市地下52-53號舖。利東地鐵站B出口行出來就到！ 粉麵種類都有不同口味的選擇，主打牛腩和各種丸類的食物！ 我們要了兩碗雙拼粉麵和飲品！🐮金牌牛三寶粗麵+墨魚丸牛三寶：有牛肚、牛腩和牛筋！ 湯底係用牛骨和豬骨熬製而成，味道鮮甜濃郁。 牛肚係草肚，有咬口和鮮味！ 牛腩肥廋度相間，有濃濃的牛味，唔會鞋口！ 牛筋炆得腍滑不會韌，好入味！ 頂級墨魚丸鮮味多汁又爽口彈牙！ 粗麵淥得剛剛好，爽滑可口，超搭配！🐂牛雜米粉+牛丸牛雜：有牛肚、牛膀、牛肺和牛腸！ 真的樣樣都有，份量十足；唔似一般粉麵店只得一兩款！ 醬汁炆得牛雜超入味又腍滑又有咬口！ 有牛的鮮味，沒有一般內臟的異味，處理得非常乾淨好食！牛丸爽口有牛肉味和爆汁，非冰鮮貨可比！爽滑的米粉，吸收了濃厚的湯底，真的好滋味！🥤凍鴛鴦鴛鴦是咖啡與奶茶結合，是港式飲品的特色！ 茶味香濃，濃郁的咖啡味和奶茶很搭，口感醇厚，好飲！🫘凍原味豆漿吃完了牛腩和牛雜，喝原支冰涼清甜的豆漿就最啱，很清新和可消腻！這間街坊民生的粉麵店的食物真材實料，價錢大衆化， 期間見到他們不停做外賣，生意十分好！…查看更多

有時特別想食粉麵,就會想起分店林立嘅「樂園魚旦專家」.除大路粉麵外亦有飯類及火鍋料.鴨脷洲分店地方雖小但五臟俱全,簡單整潔.店內姐姐都很熱情友善🔸牛腩拼魚餃河($49)🔸牛三寶拼墨魚丸($72）🔸凍奶茶(+$8)牛三寶有牛筋,牛腩及牛肚.牛筋膠質滿滿,牛腩軟稔,牛肚亦爽彈.墨魚爽口,魚餃大大粒.而且河粉份量頗多.港式魚蛋牛腩舖頭,價錢夠大眾化,而且份量足.加上港式奶茶,檸茶,一切都夠晒貼地,果然係快手一餐,抵食之選~…查看更多

我去買雲吞麵外賣！返到屋企變咗淨麵冇雲吞，打電話過去員工話比佢地知，佢叫我再去取！一來一回行成20分鐘！吾肚仔就吾來買外賣啦，想問我買的可明天換或取的嗎？一來一回個面都變咗可碎麵啦！我問是你地錯可否送上來！佢地話天氣吾係好熱姐，你咪行來羅！咁係咪我可以講！天氣咁係好熱！咁你送上樓？🤣🤣🤣😇…查看更多

聽到朋友推介係街市裏面嘅潮州粉麵，今日經過附近，一於試吓啦！舖頭環境好乾淨，完全唔似係街市入面。依到嘅粉麵選擇都好多，基本嘅河粉、幼麵、粗麵、米粉、米線都有，仲有魚蛋、牛雜、牛丸、墨丸、水餃可以揀👍🔎除咗粉麵之外，仲有幾款飯可以揀🐮牛腩魚蛋河 ($48)雙拼份量好多，牛腩同魚蛋都俾得好足，牛腩有6件，煮得好腍好入味🤩仲好多肉，咬落唔會有筋，魚蛋好大粒，成個匙羹咁大🤤咬落好爽口彈牙，果然係招牌菜👍而河粉份量好多，好滑身🥰加埋牛腩汁無得彈💯➡️ Lamlam脷指數 😋😋😋😋😋 (5/5)🍹凍檸茶 (跟餐+$8)係餐廳飲到嘅凍檸茶大致上都差唔多，但係依到嘅凍檸茶值得一讚👍D冰好夠凍之餘又唔會俾好多搞到冇茶飲🥰食哂成碗麵再飲，仲keep到好冰凍，大熱天時飲到咁冰凍嘅凍檸茶真係正🤩➡️ Lamlam脷指數 😋😋😋😋😋 (5/5)鐘意食辣嘅可以加埋佢地嘅傳統辣椒油，湯麵加咗冬菜，再加埋依個辣椒油落麵食，好惹味😋➡️ 整體評價:價錢唔貴又足料，選擇又多，港九新界都有分店，想食潮州粉麵一定要嚟試吓😋➡️ Encore指數 ⭐️⭐️⭐️⭐️⭐️ (5/5)…查看更多

今日去咗鴨脷洲商場既魚蛋樂園🍜🍜雖然可以喺街市附近，但係店舖環境整潔乾淨呢度除咗有粉麵之外，仲有飯我同男朋友叫咗兩碗米粉分別係魚蛋雲吞米同牛腩牛丸米🍜🍜魚蛋雲吞米係招牌之一潮州魚蛋同雲吞同樣大大粒🥰潮州魚蛋，爽口彈牙，食落有魚味而且非常有咬口雲吞餡料，誠意滿滿，爽鮮蝦同鮮嫩多汁既鮮肉，每啖都口感十足啊！牛腩牛丸米牛腩肥瘦適中，同腩肉比例剛好，牛腩爽口而結實，牛肉味濃郁牛丸，爽口彈牙，同牛腩一樣有香濃牛味而且多汁足料，如果有多粒就更滿足了❣️兩杯嘢飲分別係凍檸蜜同熱奶茶水準正常發揮樂園魚旦專家 鴨脷洲利東邨路5號利東街市地下52-53號舖…查看更多

喺利東邨地鐵站一出，就喺利東街市附近地舖，有一間好正嘅<樂園魚旦專家>，主打粉麵。正在咩野？就係抵食夾大件！個人比較推薦牛腩撈麵，幾十蚊，大大碗，牛腩同麵嘅份量都好夠，真心抵食。<牛腩雲吞撈幼麵>牛腩件件都又大塊又多肉，咬落去冇筋之餘，仲要好夠腍身，帶有少少脂肪，肥瘦度相當均勻，牛肉味道濃郁，質素確係吾錯。近睇直頭係靚牛腩嘅質素，而雲吞亦都好大隻。<牛三寶撈粗麵>牛三寶有牛腩、牛肚、同埋牛筋，除咗牛腩炆得又靚、又腍、又入味之外，佢哋用嘅牛肚，都係用上最靚嘅金錢肚，同樣炆得又腍又入味。牛筋同樣煮到好腍好軟身，非常好食。無論幼麵同粗麵嘅麵底，分量都好多好足夠，而且麵質亦都爽滑彈牙。我哋仲可以要求要多d牛腩汁。凍奶茶都好大杯，同埋夠凍，味道正常。兩個人食咗兩大碗麵，都係一百蚊多d，非常抵食。餐廳仲有牛腩飯、豬手麵等等供應，下次可以再嚟試下呀！！～平日晚上，都吾少客人幫襯。…查看更多

我同男朋友最近鐘好鍾意食潮州粉麵今日lunch去咗鴨脷洲利東街市嗰度食樂園魚蛋粉雖然開係街市，但店舖環境整潔，坐得幾舒服價錢貼地，晏晝嗰陣都好多街坊食啊我叫咗 招牌四寶丸米粉特別鍾意食呢度嘅白魚蛋，新鮮手打白魚蛋爽口彈牙，大大粒真係好好味呀仲有魚片頭、墨魚丸、豬肉丸、魚皮餃墨魚丸都好好味，真材實料牛腩米 $36牛腩有好多件，每手肥瘦均勻一肥一瘦隔住，牛腩油脂好香啊口感唔算好硬，有口感湯底加入腩汁，每啖米粉都幾索湯，啖啖牛腩味識食梗係要加秘製辣椒油撈匀，滋味好多啊🤤…查看更多

本來食物已經不算好味道 粉面的水平比對面的一粥麵還差 街坊生意要求不高 也可以勉強接受 但服務態度真的很惡劣 樓面阿姐不說還以爲是老闆 貼錢給我也不再去幫襯 連鎖店員工也可以有這樣態度的員工 應該要好好檢討一下…查看更多

呢排要去利東返工，諗住lunch time 應該唔會太迫或者太多人，點知呢間粉麵店都係多人到要撘枱 🤡 COVID 咁耐已經好耐冇同人撘枱😅 叫咗碗牛肚魚片米🍜湯底都真係幾夠味，牛肚好入味同埋好腍好軟熟，魚片就好彈牙同埋爽口，不過略嫌啲餸太少，成碗主要都係米粉😂😂牛肚米（$36) + 魚片（$10) + 凍檸茶（$8)街坊價算係咁👍 最緊要快靚正，嗌完轉個頭已經全部嘢到齊🤣 有足夠時間食完再hea一陣先返去做驢仔🥲…查看更多

手打魚蛋而家香港製造確實買少見少，見利東分店開就捧一捧場。我自己就好鍾意食麵，所以叫咗碗手打魚蛋麵。食落夠爽口亦彈牙，服務都夠好有禮貌，只係座位窄，肥少少都好易撞隔離patpat。…查看更多

一向都好鍾意食粉麵，貪佢濕濕地、易入口，每次 lunch time 諗唔到食乜嘢，都會揀粉麵做午餐，既方便又快捷。今日幫人攞啲物資嚟鴨脷洲，辦完正經事，就順便喺附近搵食。喺利東街市見到新開咗間「樂園魚旦專家」，環境簇新，店面光猛潔淨，一於不作他想。餐牌壓咗係檯面嘅玻璃下面，食物一目了然，除了各式粉麵外，還有飯類、鮮炸魚皮、郊外油菜、紫菜湯及飲品等供應。點咗鳳城水餃拼鮮蝦雲吞幼麵 ($42) 同 五香牛腩拼黃金片頭河粉 ($46) 各一碗。水餃雲吞麵率先送上，先嚐一口湯底，飲落好順喉，清淡得嚟帶一股鮮香，就算當湯飲都唔會覺得過鹹。雲吞大小得宜，皮薄餡靚，咬落去食到好大隻蝦，爽口彈牙，新鮮又足料。水餃同樣真材實料，大大粒，內有木耳、筍絲同半肥瘦豬肉，食落口感好豐富，適合喜歡爽口嘅客人。麵條質素亦不俗，爽身煙韌，每一口都是傳統滋味。至於碗河粉亦令人吃得十分滿意，湯底濃郁鮮香，牛腩肥瘦度亦啱啱好，肉質豐腴、帶濃厚嘅五香味；片頭彈牙甘香，配埋白滑嘅河粉一齊食，夠曬飽肚。天寒地凍，梗係要飲返杯熱嘢，熱奶茶 (+$8) 口感順滑，而熱檸茶 (+$8) 味道亦唔錯，茶底香濃夠味。臨走時，見到門口企滿了客人喺度等外賣，足見附近嘅街坊都相當捧場。…查看更多

今日同老公去鴨脷洲行山！！ 落山後見到在鴨脷洲利東邨街市全新裝修得好靚！仲有好多美食就讓我們去探一探路，搵下下午茶～去嘆一嘆 ☕☕最後決定入左呢間近地鐵站一出見到的樂園魚蛋舖～～店舖地方不是太大但勝在職員友善！環境乾淨！ 食得自在！我地揀咗兩個餐：1） 金牌牛三寶河🍜2） 金牌牛三寶飯送紫菜湯🍛🍵三寶分別有：牛筋丶牛腩及牛肚～ 說真的三樣餸都要試～因為店舖整得牛筋好冧丶 牛腩及牛肚好入味值得食！加上飯及河粉份量足夠我倆行完山充飢加$5有一杯飲品冰凍🍋🍋茶～正呀有機會再來試下其他手打丸類先！…查看更多