影片
更多
2017-08-29
4919 瀏覽
今日放假同女皇去左黃大仙個邊拎眼鏡，拎完就順便食埋晏先再去買餸啦我地拎完眼鏡就係附近揀左間食上海菜既餐廳，入到餐廳都差唔多點幾兩點，所以都唔洗排隊等位就直接可以坐到四人卡位喺我地睇緊食咩好既期間原來已經兩點，仲有睇埋茶餐有咩選擇添最終我地點左兩個餐share黎食我揀左個午市既“紅油牛展麵(走辣)配小籠飽”HKd$64加HKd$5要豆漿、跟午餐加HKd$15要左“雞絲粉皮”；然後女皇就揀左下午茶餐既“上海粗炒”HKd$40再跟茶餐加HKd$12要左碟“水晶肴肉”跟餐既雞絲粉皮麻醬香濃，粉皮爽滑水晶肴肉都ok，食落滿口骨膠原而牛展麵走左辣，清清地都唔錯去食上海野又點可以唔嗌返籠“小籠飽”呢外皮厚薄適中，但略厭肉餡肥肉偏多，食落肉質較為鬆散反而上海粗炒幾有驚喜，雖然係茶餐但份量無縮水~炒得味濃又唔太油膩，當中仲有唔少菜絲、肉絲同我愛既菇片做配菜豆漿都唔錯，唔會水汪汪，豆味都算重最後我地仲跟餐加左HKd$10要返碗“酒釀湯圓(四粒)”甜一甜桂花酒釀清香帶甜，芝麻湯圓煙靭流心，一人兩粒剛剛好呢度午市同茶市都有唔同既套餐配搭，喺呢兩個時段仲免茶芥免加一，所以我地兩個人食到飽飽都唔150蚊，都真係幾
我地拎完眼鏡就係附近揀左間食上海菜既餐廳，入到餐廳都差唔多點幾兩點，所以都唔洗排隊等位就直接可以坐到四人卡位
喺我地睇緊食咩好既期間原來已經兩點，仲有睇埋茶餐有咩選擇添
最終我地點左兩個餐share黎食
我揀左個午市既“紅油牛展麵(走辣)配小籠飽”HKd$64加HKd$5要豆漿、跟午餐加HKd$15要左“雞絲粉皮”；
然後女皇就揀左下午茶餐既“上海粗炒”HKd$40再跟茶餐加HKd$12要左碟“水晶肴肉”
跟餐既雞絲粉皮麻醬香濃，粉皮爽滑
水晶肴肉都ok，食落滿口骨膠原
而牛展麵走左辣，清清地都唔錯
去食上海野又點可以唔嗌返籠“小籠飽”呢外皮厚薄適中，但略厭肉餡肥肉偏多，食落肉質較為鬆散
反而上海粗炒幾有驚喜，雖然係茶餐但份量無縮水~炒得味濃又唔太油膩，當中仲有唔少菜絲、肉絲同我愛既菇片做配菜
豆漿都唔錯，唔會水汪汪，豆味都算重
最後我地仲跟餐加左HKd$10要返碗“酒釀湯圓(四粒)”甜一甜
桂花酒釀清香帶甜，芝麻湯圓煙靭流心，一人兩粒剛剛好
呢度午市同茶市都有唔同既套餐配搭，喺呢兩個時段仲免茶芥免加一，所以我地兩個人食到飽飽都唔150蚊，都真係幾抵食
張貼
