街坊Cafe (已結業)

餐廳嘅裝修幾別緻，牆壁都畫咗香港特色嘅風景同埋街道嘅樣貌，仲有麥兜主題嘅畫添，好得意。極上龍蝦湯: 呢個龍蝦湯專登加咗$38轉set嘅，本身以為好似出邊坊間好多龍蝦湯咁水稀稀，但係出乎意料之外喎，呢度龍蝦湯好香濃，不過都係如果可以creamy啲就好喇。.街坊碗仔翅: 味道同坊間碗仔翅冇乜分別，不過比較”傑”同埋好足料！每一啖都好有質感！.南瓜帶子Risotto： 帶子同蜆都幾新鮮好食，蟹子就不過不失啦。risotto沾上南瓜汁都幾好食，不過唔夠creamy。.鐵板燒美國穀飼肉眼: 牛扒叫左三成熟，一上枱就俾鐵板燒到嗞嗞聲。牛扒夠厚身，食哂都未俾鐵板燒到熟哂。伴碟嘅燒茄子，蕃茄仔同長豆都幾好食。薯條都好香脆，份量多啲就好喇😂.飲品方面，我哋點咗一杯熱檸茶同埋街坊奶茶。奶茶香濃、幼滑，值得一讚。