泰廚泰國菜館

營業中

休息中

路過金魚街，見到好多人喺度等外賣串燒，我自己又好鍾意食泰國菜，所以就拉老公入去食晚餐。見到佢有不同的優惠，有一蚊任選，亦有一個日日有優惠（晚上10時後可以選）。細小食拼盤$95有啲脆卜卜蝦片拌碟，有串燒雞肉及豬肉，燒得香噴噴，爽口而且啖啖肉，甜甜地好好味。蝦餅超級彈牙，魚餅入邊有些類似豆角嘅嘢，增添左一個口感。泰式炒通菜$67少少辣甜甜地，通菜唔會炒過火候，依然翠綠爽脆。泰式海鮮濕炒河$75有大量的海鮮，蝦肉大大隻，有青口有魷魚，河粉大大片，掛住醬汁。龍眼冰$24好多龍眼肉，清清甜甜。珍多冰$26濃郁嘅椰汁，配上綠色粉條。泰式海蜇$1酸酸辣辣，涼浸浸，海蜇比一般平時食嗰啲燒味店海蜇更加大片，爽口彈牙。店員好熱心，有一位唔知係咪老闆嘅男士風趣幽默，食得開心。