影片
更多
2019-09-20
39 瀏覽
探完朋友之後，咁啱見到佢屋企樓下個商場啱啱裝修完，都開咗唔小新餐廳，都有幾多唔同嘅菜式，見足一間食東南亞菜嘅鋪頭都幾多人排隊，應該質數都唔錯， 試下睇下掂唔掂先， 起碼唔使喺將軍澳次次都食連鎖大集團餐廳。入面都係座無虛席，不過環境都算舒服，而且位置亦都唔算太迫。餐牌上都有好多唔同類型嘅菜式，泰國、馬來西亞、新加坡、越南嘢都有，感覺都幾fusion。見唔少人都嗌龍蝦喇沙同海鮮喇沙，望落都好吸引，不過咁啱近來有少少敏感，於是就嗌呢個海南雞喇沙試試，海南雞肉質嫩滑， 冇骨嘅海南雞食起嚟啖啖肉，湯底味道都幾香嘅椰味，但又唔會太辣。喇沙嘅份量都幾大，又有米粉又有油面，仲有呢一碟嘅海南雞，細食嘅女仔可以兩個人share。至於呢一個馬來蜜汁炭燒豬扒撈檬， 豬扒大塊，檬粉份量都好大，好豐富，食落豬扒夠彈牙香脆，蜜汁燒得好juicy好惹味，係必食嘅推介。鐵板牛肉粒都相當好食， 鐵板一上枱出曬煙， 咋咋聲咁， 牛肉粒燒得好香，送飯一流。青芒果香脆鱸魚，則係比較吸睛嘅菜式，魚上面鋪滿曬青芒果絲同花生，堆到成座山咁，下面就鋪滿魚肉，食嘅時候點埋酸酸甜甜嘅醬汁，非常清新，食落一啲都唔油膩，鱸魚肉脆卜卜又無骨，正
入面都係座無虛席，不過環境都算舒服，而且位置亦都唔算太迫。
餐牌上都有好多唔同類型嘅菜式，泰國、馬來西亞、新加坡、越南嘢都有，感覺都幾fusion。
見唔少人都嗌龍蝦喇沙同海鮮喇沙，望落都好吸引，不過咁啱近來有少少敏感，於是就嗌呢個海南雞喇沙試試，海南雞肉質嫩滑， 冇骨嘅海南雞食起嚟啖啖肉，湯底味道都幾香嘅椰味，但又唔會太辣。
喇沙嘅份量都幾大，又有米粉又有油面，仲有呢一碟嘅海南雞，細食嘅女仔可以兩個人share。
至於呢一個馬來蜜汁炭燒豬扒撈檬， 豬扒大塊，檬粉份量都好大，好豐富，食落豬扒夠彈牙香脆，蜜汁燒得好juicy好惹味，係必食嘅推介。
鐵板牛肉粒都相當好食， 鐵板一上枱出曬煙， 咋咋聲咁， 牛肉粒燒得好香，送飯一流。
青芒果香脆鱸魚，則係比較吸睛嘅菜式，魚上面鋪滿曬青芒果絲同花生，堆到成座山咁，下面就鋪滿魚肉，食嘅時候點埋酸酸甜甜嘅醬汁，非常清新，食落一啲都唔油膩，鱸魚肉脆卜卜又無骨，正。
原來店內亦有手搖飲品舖 ，可以嗌唔同嘅水果茶同手搖飲品。
尤其係呢個水果茶，入面滿滿都係水果，唔會好甜 ，仲好香茶味。
平均每人都係百零蚊左右，但係就食得好飽好豐富 ，以將軍澳嘅價錢嚟講，都幾抵食。
張貼
