108
3
8
港鐵將軍澳站 B2 出口 繼續閱讀
所有分店 (6)
電話號碼
23688814
營業時間
今日營業
11:30 - 22:00
星期一至日
11:30 - 22:00
付款方式
Visa Master 現金 銀聯
食評 (127)
等級4 2020-05-20
395 瀏覽
香港是一個飲食多元化的城市,匯聚世界不同的特色美食,而泰菜是其中一種香港人熱愛的菜色,愛它辣得來又有清新的感覺,確實令人回味無窮。在香港只要想吃泰國菜,首先定會想到九龍城,因為該區是香港泰國僑民和泰式餐廳的集中地。位於將軍澳的泰國餐廳【Mee...lemongrass】,主打是馬來喇沙海南雞飯專門店但入面其他食物都好棒喔。別看這小店相貌平平,實質它來頭不少。餐廳裝修雅致,以泰式時尚設計,地方寬闊,座位之間沒有壓迫感,舒適悠閒,全程唔會催住交枱趕客,可以放心邊食邊傾計。餐牌裡款式選擇多,除了有最新優惠精選外,還有二人套餐、四人套餐及單點的頭盤小食、海鮮、肉類、咖喱、炒粉麵飯、蔬菜、沙律、紙卷、湯品、甜點、特色飲品等,款款吸引,別具特色。👋🏻軟殼蟹米紙卷 6件 $72卷物在美食界佔有重要的一席位,幾乎不同文化都有它們的特色卷物,如日本的紫菜壽司卷、墨西哥的粟米卷等,而越南則有米紙卷作為卷物代表。透光輕薄的米紙包著咸香酥脆的軟殼蟹,配上牛油果,絕對是一個可口又滋味的配搭小食。不用蘸醬汁已超美味,只要加點檸檬汁伴食,清新又醒胃。👋🏻秘製肉骨茶 $86一般的肉骨茶裡面都會加很多的中藥和香料,但是那家店做出來的肉骨茶味道非常的豐富,又沒有很重的藥味,見到湯底用上多款香料,包括八角、茴香、陳皮、丁香、大蒜等。湯頭呈現金黃色澤味道濃郁又不膩口。肉骨茶帶有鮮濃的肉香,用的也是新鮮排骨,用的份量頗多,入口鬆軟有肉味。👋🏻馬拉盞炒秋葵 $68第一次接觸秋葵這東西,是之前去馬來西亞旅行時,品嚐當地人用馬拉盞炒的秋葵 , 很有鑊氣, 很惹味呢!秋葵青綠爽脆的,黏液也還未出來就要起鑊了,用馬拉盞來抄,味道一流。這小辣的馬拉盞辣度剛好,味道有層次,蝦米香味突出。👋🏻馬來蜜汁炭燒厚切豬扒配喇沙 $78 見到唔少人都有嗌炭燒厚切豬扒,應該是王牌吧!即點試試先,甜膩又迷人的玻璃蜜汁,嚼一嚼,吸吮蜜汁,蜜汁味豐富配上炭燒厚切豬扒,好正!!豬扒面頭煎得脆脆的, 非常香口,豬扒大件又加上有炭燒味道整體都非常濃郁。喇沙屬正常,.米粉加黃麵,湯色偏黃白,連着一層紅油,亦帶濃稠椰香,不過正宗既喇沙有蝦味、咖哩香及椰香缺一不可,呢度爭DD…👋🏻椰汁千層糕 $28蒸熱了是意想不到的煙韌美味! 香濃椰奶配班蘭,兩者配合得天衣無缝, 絕對是我吃過最好味的椰汁千層糕之一,顏色味道天然,口感是煙煙韌韌的, 而不是jelly的感覺啊!味道不會太甜,有人鐘意成舊食,我最鐘意一層層慢慢食。在外面都設有飲品部,外賣買走都可以,見到外帶仲有更好既優惠推廣緊呢。👋🏻火炙芝士黑糖珍珠鮮奶 $28燒焦了才能喝的奶茶,Q彈珍珠+鮮奶+芝士奶蓋+金黃焦糖層,我喜歡的元素集齊在一杯之中,黑糖同芝士嘅味道相當配合.. 上層芝士口感好smooth,黑糖被燒過後香氣更出更濃郁,另外可以用吸管邊喝奶茶邊吃珍珠,珍珠口感好煙韌,大大杯飲到最後都好滿足。佢地服務態度都好好,從門面裝潢到內在的餐桌餐椅、小食主食飲品甜點等都乎合理想的風格和路線,於是決定將這個晚飯時光交托給【Mee...lemongrass】,相信你們也會喜歡的。去開TKO既你地可以試下呢間呢。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-07-31
44 瀏覽
其實自己一直好少食喇沙因為驚好多喇沙都係好辣嘅不過咁啱今次朋友想食所以就去左試呢間Mee...lemongrass—————————我就嗌咗無骨海南雞喇沙我覺得呢個喇沙其實幾好味,因為佢唔算太辣,而且嗰湯底味道好吸引,搞到我幾乎飲曬成碗湯😂😂而海南雞係分碟另上嘅,不過我就覺得有少少凍,所以我要擺啲海南雞去湯入面先會比較熱少少,不過話雖如此,啲雞肉都真係好滑嫩,一啲都唔鞋烚烚無口感🙂🙂而我呢個喇沙都有大蝦嘅,質素都算唔差幾fresh而我朋友就MEE...喇沙,咁呢種算係for鍾意食海鮮嘅人,因為佢有大蝦、蜆肉,同埋蟹柳、魚旦、豆卜、雞蛋&魷魚😉😉我就覺得呢個同我食嗰個不相伯仲啦,就視乎你想食雞肉or海鮮😅😅 不過相對上我就覺得無骨海南雞喇沙性價比高啲,因為無骨海南雞喇沙都有豆卜同雞蛋,所以如果你又想食海南雞又想食喇沙嘅話,就不妨試下呢間啦😋😋質素都幾好 繼續閱讀
(以上食評乃用戶個人意見 , 並不代表OpenRice之觀點。)
今日(27/6/2020)到將軍澳行街,好耐無來,附近既商場變化好大,人流好多,多間食店都等位,嚟到Mee... lemongrass 馬來喇沙•海南雞飯專門店,見特別多人等位,故選了這間,過了午市時間,都等了二十分鐘至有位。入餐廳時已過二點半,居然有茶餐,點了T1 - Mee...喇沙及T9 - 馬來蜜汁炭燒厚切豬扒配嗽沙好多配料,蝦、魚旦、蟹柳各有2件,蜆有4隻,豆泡3個及半隻蛋豬扒好有蜜味,又香又滑,兩碗喇沙都好味,差不多飲晒碗湯。見鄰枱食芒果糯米飯,好似好正,故又追加唔知係唔係太飽,覺得芒果糯米飯麻麻地,飯太熱及無椰香味,芒果放在熱飯上變得熱,有少許失望。埋單$173,真係抵食,所以一定會再來。 繼續閱讀
(以上食評乃用戶個人意見 , 並不代表OpenRice之觀點。)
等級3 2020-06-19
132 瀏覽
Mee...lemongrass將軍澳唐德街9號將軍澳中心L1樓135號舖今日lunch陪左同事過黎將軍澳中心既商場食飯,話時話呢到自從裝修好之後都好似無咩黎過,成個商場光猛左好多,感覺都幾好行而且有好多餐廳,得閒可以過黎逐間試下,哈哈….今次首先就揀左食呢間Mee 先,聽講呢到既喇沙幾正,所以我叫左馬來蜜汁炭燒厚切豬扒配喇沙,估唔到塊豬扒係咁大塊而且加埋d 蜜汁好惹味呀,必定要試呀,而碗喇沙都唔錯好足料,有半隻雞蛋、豆卜同芽菜,最鐘意就係個豆卜索晒湯底既香味,食落好正!我同事就叫左秘製肉骨茶,我都試左一啖感覺幾重藥材味,呢個就睇每個人既接受程度啦,我就好鐘意好香,同係馬來西亞食到個d 差唔多,好正宗。 繼續閱讀
(以上食評乃用戶個人意見 , 並不代表OpenRice之觀點。)
等級3 2020-06-18
101 瀏覽
平時一到晚市食飯時間,見呢間餐廳都好多人排隊,食評都幾多好評。今次為左一試喇沙而黎,但今日一試,真係失望到不得了。一間以喇沙為主打的餐廳,但喇沙的湯一點都不夠味,只著重椰漿味,蝦味唔出,湯唔夠濃。不過餐跟埋的蜜汁炭燒厚切豬扒係唔錯,蜜味香濃。仲叫左個炒飯,不過十分普通,所以唔特別評價同影相喇。環境方面,餐廳坐得迫又冇主動提供水。總括然而,碗喇沙真係唔多對唔住個價錢🤷🏻‍♀️ 完全唔值得我再排隊食😑如果一心想食喇沙的朋友仔就唔期待咁高喇🤷🏻‍♀️相比之下,同層有另一間餐廳ge喇沙做得更好 繼續閱讀
(以上食評乃用戶個人意見 , 並不代表OpenRice之觀點。)