106
2
0
等級6
2019-12-17 18870 瀏覽
唔知喺唔喺社會事件問題,近來就見唔少餐廳推出好多優惠,繼幾個月前到過機場嘅「空港居酒屋」大嘆鐵板燒,今晚同表哥嚟到觀塘嘅「板神」,同樣因為有超抵食嘅鐵板燒推出,點抵法,一陣你就知。觀塘區晌呢十年八年銳變咗好多,不斷有新商廈落成,就算唔喺新商廈,亦有唔少廠廈變身,好似「板神」位處嗰幢就喺其一。「板神」嘅門面非常型格,又帶點神秘感,單睇門面,真喺估唔到呢度喺工廠區。入到裡面,第一眼就喺壽司吧枱,設計好有個性,仲剛剛完咗起一條吞拿魚嘅表演。如果坐晌出面嘅壽司吧枱,當然喺揀「廚師發辦」啦,一邊睇師傅捏壽司,一邊就可以慢慢細味每一件出品。而「廚師發辦」有兩款選擇:「梵」($880)、「神」($1,280),已包埋前菜、沙律、丼飯、湯品、甜品……等等。再略略環顧四周,以廂房為主,周邊加入好多垂直綠化,令成個場睇起嚟唔會太冷,而有種悠然感。而我哋被安排近門口嘅一個廂房,裡面裝潢簡約,卻又有點粗獷原始味,尤其背後嘅一幅石牆,圍住鐵板燒個「舞台」可以坐到7個人。小弟坐晌邊位,更可以睇到鐵板燒枱內部,足証乾淨衛生。除環境,餐具亦都好別緻,一碟、一杯,甚至筷子托,都好靚、好襯。而服務都好熨貼,侍應既有禮,又
更多
唔知喺唔喺社會事件問題,近來就見唔少餐廳推出好多優惠,繼幾個月前到過機場嘅「空港居酒屋」大嘆鐵板燒,今晚同表哥嚟到觀塘嘅「板神」,同樣因為有超抵食嘅鐵板燒推出,點抵法,一陣你就知
69 瀏覽
0 讚好
0 留言
觀塘區晌呢十年八年銳變咗好多,不斷有新商廈落成,就算唔喺新商廈,亦有唔少廠廈變身,好似「板神」位處嗰幢就喺其一。「板神」嘅門面非常型格,又帶點神秘感,單睇門面,真喺估唔到呢度喺工廠區。入到裡面,第一眼就喺壽司吧枱,設計好有個性,仲剛剛完咗起一條吞拿魚嘅表演。
75 瀏覽
1 讚好
0 留言
如果坐晌出面嘅壽司吧枱,當然喺揀「廚師發辦」啦,一邊睇師傅捏壽司,一邊就可以慢慢細味每一件出品。而「廚師發辦」有兩款選擇:「梵」($880)、「神」($1,280),已包埋前菜、沙律、丼飯、湯品、甜品……等等。
447 瀏覽
3 讚好
0 留言
再略略環顧四周,以廂房為主,周邊加入好多垂直綠化,令成個場睇起嚟唔會太冷,而有種悠然感
61 瀏覽
0 讚好
0 留言
而我哋被安排近門口嘅一個廂房,裡面裝潢簡約,卻又有點粗獷原始味,尤其背後嘅一幅石牆,圍住鐵板燒個「舞台」可以坐到7個人。小弟坐晌邊位,更可以睇到鐵板燒枱內部,足証乾淨衛生
121 瀏覽
1 讚好
0 留言
65 瀏覽
0 讚好
0 留言
47 瀏覽
0 讚好
0 留言
除環境,餐具亦都好別緻,一碟、一杯,甚至筷子托,都好靚、好襯。而服務都好熨貼,侍應既有禮,又不時為我哋添茶及收拾餐具。
39 瀏覽
0 讚好
0 留言
文初已講嚟嘅目的喺佢哋新推超值嘅鐵板燒套餐「席前鐵板燒二人前」,性價比真喺堅高,個套餐包括時令沙律、前菜、刺身五點、銀雪魚、鵝肝、鐵板美國肉眼薄燒、炒時令野菜、炒飯、湯、甜品,仲加送南非鮑魚,只賣$880
,更喺二人價添,平常食個有啲質素嘅鐵板燒座底六、七百起錶啦。
539 瀏覽
0 讚好
0 留言
時令沙律

迎接美食之前,先喺沙後及前菜同步登場。雖然喺簡簡單單嘅野菜沙律,但蔬菜嘅種類豐富,而且好新鮮,尤其啲露筍,爽脆無渣,淋上胡麻醬,已夠晒好食,開開胃納。
時令沙律
41 瀏覽
0 讚好
0 留言
前菜

前菜就喺幾款漬物,包括喺啲醃漬嘅蘿蔔同蒜頭,前者酸香開胃,而後者就最有驚喜,因為一般蒜頭食落都喺軟軟腍腍,除非炸過,但呢粒蒜頭入口喺好爽脆,好似食緊「酸蕎頭」,非常得意。
前菜
34 瀏覽
0 讚好
0 留言
特色刺身五點

賣相分精緻,而每件刺身都切成剛好一口過,包括有鮮帶子、油甘魚、拖羅、金目鯛及炙燒吞拿魚,每款睇外觀都感覺到佢哋嘅新鮮度,入口果然喺靚料,鮮味爆燈,而且,各有特色。
特色刺身五點
23 瀏覽
0 讚好
0 留言
跟住見到年輕嘅師傅登場,就知輪到喺鐵板燒時間。先捧上一碟加拿大銀雪魚、澳洲鮑魚、鵝肝及野菜,睇住啲鮑魚仲郁吓郁吓,非常新鮮,而鵝肝撲咗少少麵粉,師傅話一陣煎起嚟外層就更香脆。
加拿大銀雪魚、澳洲鮑魚、鵝肝
23 瀏覽
0 讚好
0 留言
加拿大銀雪魚、澳洲鮑魚

睇住師傅將鮑魚起肉、去內臟、調校唔同火力慢煎、灑水、切片、再放回外殼,真喺一擔心機;同樣,啲銀雪魚雖然少啲步驟,但要煎得色香味俱全,都有唔少功夫同竅門,實在喺台上一分鐘,台下十年功。
加拿大銀雪魚、澳洲鮑魚
16 瀏覽
0 讚好
0 留言
加拿大銀雪魚、澳洲鮑魚
19 瀏覽
0 讚好
0 留言
加拿大銀雪魚、澳洲鮑魚
15 瀏覽
0 讚好
0 留言
加拿大銀雪魚、澳洲鮑魚
15 瀏覽
0 讚好
0 留言
煎好嘅成品,經過細心嘅擺盤,襯以少少野菜,真喺感覺唔同晒,成道精緻嘅主菜咁。
加拿大銀雪魚、澳洲鮑魚
8 瀏覽
0 讚好
0 留言
先試試啲鮑魚,入口口感柔韌,唔會有咬唔入嘅感覺,沾沾放晌碟邊嘅岩鹽及黑椒,鮑味更突出。
澳洲鮑魚
14 瀏覽
0 讚好
0 留言
澳洲鮑魚
16 瀏覽
0 讚好
0 留言
再試埋啲銀鱈魚先,表皮煎得非常焦脆 , 而啲肉質細緻嫩滑,又極富油香,果然極具質素,平常晌出面食一客銀雪魚都成嚿水架。
加拿大銀雪魚
31 瀏覽
0 讚好
0 留言
加拿大銀雪魚
6 瀏覽
0 讚好
0 留言
香煎鵝肝

與此同時,已見師傅煎緊鵝肝,相對嚟講,煎鵝肝就無咗多技巧,最緊要喺有耐性,慢慢煎到兩面「起焦」。基本鵝肝都幾油膩吓,所以師傅特登配件多士嚟食。
香煎鵝肝
4 瀏覽
0 讚好
0 留言
件鵝肝果然煎得外脆內軟,外層好似啲法式焦糖燉蛋咁有層脆殼,裡面就嫩滑到不得了,並且充滿甘腴油香,細細哋一口,過到口癮,又唔會太罪惡感。
香煎鵝肝
8 瀏覽
0 讚好
0 留言
鐵板美國肉眼薄燒

再落嚟,師傅捧上一盤薄切肉眼,雖然唔喺日本啲雪花和牛,但睇色澤、油花,都已經好靚。肉眼已經簡單以鹽及黑椒調味,再準備好自家製嘅獨子蒜蒜片及大量蔥花。
鐵板美國肉眼薄燒
2 瀏覽
0 讚好
0 留言
鐵板美國肉眼薄燒
2 瀏覽
0 讚好
0 留言
師傅三兩吓手勢,將薄荷薄嘅肉眼燒一燒,再加入蒜片及蔥花,捲起後,再軋成兩截,方便一口一件,就上碟食得。
鐵板美國肉眼薄燒
4 瀏覽
0 讚好
0 留言
每位客人可享有兩大片肉眼,即喺有4件。薄切嘅肉眼口感柔嫩,有肉香,有點點油脂。由於捲住大量蔥花,所以,完全無油膩應,加上蒜片引發嘅香味,每肉眼薄燒味道更具層次。好奇問師傅,墊底嘅塊麵包有無人會食埋,佢笑笑口話都有架。
鐵板美國肉眼薄燒
3 瀏覽
0 讚好
0 留言
鐵板美國肉眼薄燒
3 瀏覽
0 讚好
0 留言
牛肉炒飯

雖然餐牌只喺寫住牛肉炒飯,但師傅靜雞雞講喺用上和牛嚟做。佢先炒香啲配料及牛肉,再加飯及蛋漿,不斷兜,不斷炒。
牛肉炒飯
3 瀏覽
0 讚好
0 留言
牛肉炒飯
2 瀏覽
0 讚好
0 留言
牛肉炒飯
2 瀏覽
0 讚好
0 留言
飯粒炒至金黃色,粒粒分明,加上配料多,食落飯粒又爽身,入口「暖笠笠」,食埋碗飯就夠晒飽肚。
牛肉炒飯
3 瀏覽
0 讚好
0 留言
味噌湯

我哋香港人就喜歡一餐之前就飲湯先,但日本人就相反,食到尾先嚟一碗熱乎乎嘅麵豉湯。麵豉味香濃,但又唔會太濁,內裡更混咗唔少海帶。
味噌湯
3 瀏覽
0 讚好
0 留言
甜品

餐餐所包嘅甜品可以揀芝麻雪糕、綠茶雪糕、朱古力雪糕或香桃雪葩。表哥就揀芝麻雪糕,小弟就想食雪葩多啲,雖然我嘅雪葩個樣衰啲,但感覺清爽,桃味不俗。
香桃雪葩、芝麻雪糕
3 瀏覽
0 讚好
0 留言
蜜糖多士

以為食埋個雪糕就完,師傅仲額外整多份蜜糖多士俾我哋嘆,大量牛油將方包煎香,入口熱辣辣,又焦香甘脆。
蜜糖多士
23 瀏覽
0 讚好
0 留言
晌一啲傳統市中心旺區,食一頓有番咁上下質素嘅鐵板燒,真喺無$1000,都要上$600、$700一位,但依家未夠$900,就已經喺二人價,加埋一都唔過$500一個人,加上菜式唔少,食材不賴,性價比確喺高
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐途徑
堂食
人均消費
$482 (晚餐)
慶祝紀念
聖誕節
推介美食
特色刺身五點
加拿大銀雪魚、澳洲鮑魚
香煎鵝肝
鐵板美國肉眼薄燒
牛肉炒飯