影片
更多
2021-01-13
305 瀏覽
去到尖沙咀韓國街會有好多韓國嘢食，本來去開其中一間，點知冇開門，橫掂去到又趕住食晏，就去對面街，搵到呢間「韓城美食」。入到去唔係太多人，地方乾淨企理，只係有啲凍，因天氣凍，而餐廳仲仍有開住冷氣；可能咁樣會令你更想叫啲熱辣辣嘅嘢食🤣 。檯與檯之間相隔一段距離，餐廳及客人都守規矩。見到隔離嗰檯客叫咗一個出哂煙嘅大鍋🍲，望落好正咁，估佢係人參雞湯，跟著我哋又學人叫湯類。仲叫埋熱辣辣嘅湯麵、炸雞。見到價錢仲非常抵食，呢間餐廳仲有外賣八折，期間一直有人出出入入嚟拎外賣。另外，學生又會收平啲，冇賺到盡，收費非常合理，呢一點令我一定會再嚟幫襯。👍呢個係韓式豆腐海鮮湯連一個飯，HK$58。有隻生蛋，一般食法一定浸佢落湯撈埋一齊，個湯有好多海鮮，魷魚🦑、蜆🦪、🦐蝦、金菇🍄、豆腐、一隻蛋🥚，塞到滿，呢個湯連一碗飯，我哋兩個人所以額外叫多碗飯，HK$10。個湯算係較濃，朋友鍾意清淡少少，但我覺得差唔多，🍚送飯好好味。芝士湯拉麵🍜，HK$48，好正路，而公平啲講，好少餐廳會整韓式公仔麵整得難食，今日太凍又肚餓，熱辣辣一個麵，最終飲哂佢啲湯食哂啲麵，暖笠笠而好滿足。呢個甜辣雞翼好好食，只係HK$38，有四隻及四
12 瀏覽
0 讚好
0 留言
呢個係韓式豆腐海鮮湯連一個飯，HK$58。有隻生蛋，一般食法一定浸佢落湯撈埋一齊，個湯有好多海鮮，魷魚🦑、蜆🦪、🦐蝦、金菇🍄、豆腐、一隻蛋🥚，塞到滿，呢個湯連一碗飯，我哋兩個人所以額外叫多碗飯，HK$10。個湯算係較濃，朋友鍾意清淡少少，但我覺得差唔多，🍚送飯好好味。
6 瀏覽
0 讚好
0 留言
芝士湯拉麵🍜，HK$48，好正路，而公平啲講，好少餐廳會整韓式公仔麵整得難食，今日太凍又肚餓，熱辣辣一個麵，最終飲哂佢啲湯食哂啲麵，暖笠笠而好滿足。
6 瀏覽
0 讚好
0 留言
呢個甜辣雞翼好好食，只係HK$38，有四隻及四條煎年糕，我唔鍾意食年糕，但呢個年糕似腸粉，見佢細細條所以試吓，點知又幾好味，唔會令你覺得好滯。雞翼仲有原味及豉油味。絕對要叫嚟食。全部加埋 HK$154。每人HK$80，咁嘅價錢食到好嘅食物質素👍，絕對可以再幫襯，非常抵食。
張貼
