新記雞粥 (筲箕灣道)

營業中

休息中

今日同屋企人去咗屋企人樓下食晚飯大家都唔想食啲太油膩嘅嘢所以就揀咗我之前去過嘅一間粥店。呢間野都幾抵食，有最鍾意食嘅蘿蔔糕同埋腸粉我哋四個人都叫咗幾多嘢食share 叫咗我老婆最鍾意食嘅蠔仔粥同埋艇仔粥，當然唔少得我同我老竇都最鍾意食嘅豬潤粥。豬膶粥真係好好味。蘿蔔糕一疊有三件，每一件都煎得好香脆再加埋辣椒醬去食正。再叫咗一個齋腸粉同埋腸粉炸倆。依間啲腸粉都整得幾好食價錢又非常之平。最好嘅嘢係醬汁配料你自己落。老婆淨係鍾意食麻醬，我同我阿媽就鍾意全部野都要。自己落醬料唔使煩。