鮨竜 (已結業)

發現咗呢間位於黃埔天地，新開業嘅廚師發辦～晚市都有好多個唔同價錢嘅套餐，$388/$738/$1080/$1280，當然唔同價錢包含嘅嘢唔同，越貴就款式越多同埋食材越高級啦～我就選擇左最抵食嘅$388 廚師發辦十件壽司定食(一人前)，其中包含兩件自選壽司🍣另外仲有前菜、手卷、湯同埋甜品，真係性價比超高！當日嘅10款壽司包括：真鯛壽司間八魚壽司中拖羅壽司白蝦壽司右口魚壽司日本馬糞海膽軍艦火炙黑龍三星漬壽司北海道活象拔蚌壽司北海道鮮帆立貝壽司大拖羅壽司食材有日本新鮮運送，每款刺身都新鮮肥美！壽司飯調味啱啱好，其中最鍾意大拖羅，上面仲配有甜煮海苔～油香十足！右口（鮫鰈魚）配搭蔥及紅茸，爽口肥美～食完壽司仲有碎蔥吞拿魚腩手卷，由拖羅打成茸撈埋啲蔥同埋蘿蔔，超級美味！之後仲有鮮蝦味麵豉湯，味道與別不同，好鮮甜！甜品係開心果雪糕，為呢餐優質嘅晚餐畫上完美句號～大滿足呀！