Running 燒 (已結業)

同班friend 好耐冇食韓燒啦，梗係要揀間可以任食任飲架啦。見旺角間Running 燒任食得來種類都算多，一於試下呢間啦！燒肉放題點可以唔食肉。唔想太heavy可以試下豬頸肉同鷄扒。兩款都又厚又多汁, 有少少脂肪，食咗都唔會好肥。豬頸肉好爽口，質素高。海鮮海鮮方面叫咗大蝦，扇貝，帶子，魷魚圈。全部都好新鮮，帶子鮮甜，魷魚爽口彈牙，正！炸物有韭菜炸餃子，泡菜炸餃子，炸鷄。炸鷄keep到肉質juicy。炸餃子皮薄餡多, 味道啱啱好。茄子，南瓜，冬菇，金菇菜食返d新鮮蔬菜中和下。水冷麵我個人至愛，細細碗，一個人食份量都唔會太多。食完熱辣辣嘅燒肉，來碗冰冰涼涼嘅水冷麵，麵嘅質地彈牙，仲帶有少少酸，食落真係好開胃。 最後甜品揀咗蜜瓜雪條，蜜瓜味濃，質地似軟雪糕。整體來講，餐廳環境，食物質素都唔錯，服務更值得一讚，嘢食上得快，價錢合理，值得一試。