八不·壽喜燒

營業中

休息中

吉列西班牙豬扒$58 西班牙豬扒真係同其他豬扒唔同，佢有啲厚度，食落去好juice ，口感嫩滑。加熱之後脂肪滲透係肉入面，食落去好香豬肉味！再加上薄薄嘅炸皮，炸衣食落去清脆嘅聲音令人食唔停口！吉列千層豚$78 吉列千層豚好得意。佢係將豬肉片搭埋一齊，然後每一塊中間再加芝士。啱啱炸起嘅千層豚，一咬落去芝士流晒出嚟。而且豬肉片有少少肥豬肉，配撘酥脆嘅外皮同埋流心芝士好正！出邊其他餐廳好少有千層豚肉，建議大家一定要嚟呢度試食。吉列蠔 $78 呢一間餐廳嘅炸衣做得好好，咬落去酥脆。皮脆酥化，入邊creamy 鮮甜多汁。一啖咬落去蠔香同埋蠔汁係口腔之中爆炸。赤麵赤麵即係蕎麥麵，湯底似醬油味偏甜。配料有海帶，櫻花蝦同埋腐皮。腐皮朔晒啲湯汁好好味～ 係未見過嘅日本果汁，我哋飲咗提子同埋蘋果味。食完成餐飯飲杯果汁，個人都refresh 晒。