元札幌拉麵 (悅來坊)

營業中

休息中

今個星期二，朋友話帶我呢個荃灣之友去荃灣食嘢，原來就係帶我去悅來坊，咁我就真係好少去，原來呢度都有咁多嘢食嘅。原來就係帶我嚟食拉麵嘅，不過我依稀記得我好似嚟過食嘢。我比出面個最新推介吸引，所以就叫左呢個北海道芝士忌廉吉列炸蝦飯，呢個係餐嚟嘅有味噌湯，沙律同埋蒸蛋，都好豐富㗎。芝士忌廉汁好惹味，又唔太稀，又唔太濃蒸蛋好滑我哋仲叫咗個日式咖喱飯，味道係日式嘅，所以咖喱味道甜甜地，唔會係辣嘅我哋仲叫咗個安格斯肉眼串，燒得好香，仲好juicy呢個係南瓜炸薯餅，入面有好多南瓜蓉，又香又甜。我哋仲叫咗串燒雞翼，即係手羽先，呢度有兩隻雞翼，味道有少少鹹鹹地，加埋啲檸檬汁就好惹味