神輿日本料理 (已結業)

朋友約食飯傾計，我鐘意食日本菜，就提議食神輿日本料理。坐得舒適，食得開心。連飲品同甜品都自己叫，唔使特登出去攞，夠方便。放題唔少得中華沙律，開下胃之後就可以慢慢享受美食。刺身新鮮厚切，味道都唔錯。叫左唔少壽司、軍艦同手卷，最鐘意軟殼蟹手卷，脆脆既口感好豐富。中間叫左燒菠蘿，甜甜既可以減膩。芝士焗虎蝦啖啖肉，芝味濃郁。重有芝士焗蠔都唔錯。雞肉軟骨串燒得頗香，如果多d軟骨粒粒口感就更正。食物質素唔錯，下次會再黎。