神輿日本料理 (已結業)

今日同朋友嚟到創興廣場食放題，揀左價錢親民嘅神輿，估唔到環境咁大，裝修仲好有日式風味添！食物選擇都唔少，刺身款式應有盡有，食落都幾新鮮，個人最喜歡係甜蝦，蝦頭嘅蝦膏真係一流！仲有壽司、炸物、串燒、熟食、甜品，唔好講咁多，馬上去相！壽司每件都細細粒，唔會咁易飽。炸榴槤球係我嘅至愛，我一個人就食咗三粒！其他仲有芝士年糕、炸番薯等等，熱辣辣地上桌，也不太油膩，推薦大家一試！雞翼炸得乾身，香脆可口。今餐真係好飽，期待下次再嚟食過！