燒魂 (已結業)

同同事放左工之前就去食燒肉～我哋叫咗燒肉放題套餐，份量超級多！非常抵食！前菜係蟹籽青瓜沙律，壽司拼盤，刺身拼盤，食完壽司刺身之後就係燒肉套餐 燒肉套餐有豬腩肉配生菜，黃牛拼盤，牛肋肉，孜然雞翼，孜然雞扒，燒蔬菜，仲有辣酒煮蜆同埋鐵鍋炒通菜！！個套餐嘅次序安排得好好，首先係壽司，之後係刺身，食完喇嘢之後就烤肉，令到烤肉嘅時候冇咁上火！大贊烤肉用和牛黎燒真心正！又香又薄又好味！和牛拼算上得好精緻，燒完食落去油脂好均勻！超級好味😋真心覺得好正另外都要大贊燒單骨雞翼好正，超級香口！又薄又好味😋自己燒蔬菜都真係第一次！燒菠蘿好好味！燒翠玉瓜同冬菇都唔錯！燒肉都好正，有埋青菜包住嚟食！鐵鍋炒通菜份量又多又好味！！到最後飽飽都仲想食埋佢！