神木日本料理 (已結業)

觀塘有唔少性價比高嘅餐廳，係要花啲心思喺唔同工廠大廈發掘一下😏今次嚟到巧明街呢間工廠大廈嘅神木日本料理，係APM附近好方便。餐廳天花放滿日式紙傘⛱️好有feel。呢度主打平價又豐富嘅日式定食，包括壽司定食同一人燒肉定食，好似今次點嘅壽司定食，$168就有齊壽司、手卷、烏冬、茶碗蒸、湯、小食，好抵。下次都想試下同樣只係百幾蚊起嘅A5/M7和牛燒肉，見到其他枱一大班人食都好似唔錯😆😆木壽司定食（日本鮮魚、吞拿魚、赤蝦、白身魚、赤貝、燒左口魚裙邊、吞拿魚蓉魚子手卷）百幾蚊嘅套餐賣相都花咗唔少心思❤️用上梯級形嘅木盤盛載壽司，打卡度同吸引度大增🤩每款壽司都幾新鮮，魚生夠厚夠鮮甜。赤貝非常爽彈，拖羅厚厚一片口感唔錯，左口魚食到炙燒嘅香味😙😙入口軟滑。手卷咬到底都食到吞拿魚蓉，不過紫菜淋咗啲。烏冬烏冬係彈牙有咬口個種，味道都唔錯，食過凍嘅壽司再食碗熱烏冬就夠滿足😛😛茶碗蒸、是日小食及餐湯定食仲有茶碗蒸、葉白蘿蔔同麵豉湯，好飽肚豐富。茶碗蒸超級滑呢😍😍食到鰹魚湯香味，仲有冬菇、鳴門卷同蟹棒。空運池魚刺身想食得稍為豪少少😎就叫埋新鮮空運到港嘅池魚刺身，味道鮮甜，點少許酸汁就啱啱好😗😗人均消費：$240推介