絆 (已結業)

尖沙咀開咗一間新嘅居酒屋主打串燒同埋各種丼飯午市套餐亦都有好多選擇餐廳座位非常闊落坐得好舒服🤣🔸迷你拖羅蓉丼廚師發辦壽司餐 $98廚師發板壽司餐真係非常豐富，除咗有主角拖羅蓉丼外，仲有壽司、薯蓉同埋魚湯。拖羅蓉丼雖然係迷你size，不過有好多拖羅蓉，十分有誠意。拖羅蓉好鮮甜，入口即溶非常好味😍🔸迷你蟹肉蟹膏丼廚師發辦壽司餐 $98蟹肉蟹膏丼不嬲都係我最愛嘅丼飯之一，絆嘅蟹膏蟹肉丼整得好出色，蟹肉同蟹膏十分之夾。呢個餐嘅薯蓉亦都好正好creamy，魚湯好鮮甜。壽司有三文魚、左口魚、油甘魚、深海池魚同A3和牛，咁豐富嘅餐一百蚊都唔洗真係超抵食🤣