鮨廷 (已結業)

同朋友係尖沙咀行街，見到呢間壽司都幾多人食，我地就跟住排隊啦，店內全部吧枱可以望住師傅整完即食。我地揀左2個午餐set，有沙律同味噌湯送。自選壽司8貫 $148我揀赤身，深海池魚，葱拖羅軍艦，三文魚子軍艦，炙三文魚，赤蝦，帆立貝，油甘魚。葱拖羅軍艦入口即溶，三文魚子粒粒分明，好飽滿，無腥味，赤蝦爽口彈牙，帆立貝厚肉新鮮，油甘魚充滿油脂。三文魚親子丼 $138丼飯已經加左醬油，唔洗再額外添加，三文魚同三文魚子好新鮮，三文魚入口充滿油脂，好香。附送嘅沙律新鮮爽口，味噌湯入面加左豆腐椰菜增加口感，幾好飲。