滿江紅小甜甜 (已結業)

今日同朋友行過旺角，唔係幾捻到食咩，就決定一齊叫小菜食飯，見到多好小菜可以選擇，我地都花左d時間先決定到叫咩。朋友中意食海鮮就簡左個原味焗蜆，用錫紙包住上菜，即場為我地剪開錫紙，打開見到蜆既數量都好多，蜆肉鮮甜又多汁，大家都不知不覺食左好多隻。鮮茄野生魚窩，叫左個小窩，都係非常大盤，蕃茄湯底，飲落好有屋企飯既味道，唔會有好重既味精味，魚肉好滑只係比較多骨，有機會會加錢轉隻無咁多骨既。椒鹽豆腐粒，豆腐好滑，外層香脆，炸得剛好食多都唔覺太熱氣。沙鍋雲吞雞，雲吞既餡比較少，但勝在肉好入味，皮又夠薄，雞肉都好唔錯。甜品方面我地叫左個酒釀丸子同什果涼粉，酒釀丸子既桂花味好清甜又幽香，丸子軟糯，有淡淡酒味。