價錢幾抵 所以就入咗去
我哋4個人叫咗個有雞嘅小菜套餐
另外再叫加一個小菜
佢個套餐295
可以叫一碟雞一條蒸魚同埋一個＄63小菜
套餐跟兩碗飯兩碗湯
我哋叫咗個吊燒雞
啲雞皮燒到幾脆口
肉感就中等
但味道適中
我冇點任何野都覺得夠晒味 吾錯
跟住叫左碟皮蛋浸莧菜 不過佢哋賣晒
轉左用菠菜 所以我覺得麻麻地
可能食慣咗 所以覺得道餸配菠菜唔太好味
跟住就係豉汁蒸倉魚
條魚蒸到啱啱好熟
但係個人認為可以蒸多5分鐘
因為夾到中間嘅時候 仲見到有啲啲血紅色
同埋中間啲肉有啲難起
豉油嘅話佢有少少偏甜
但係整體上都係唔錯 好味
最後就叫咗個翡翠中式牛柳條
但其實係牛柳粒 底層搭西蘭花
有肉又有菜 味道酸酸甜甜 幾開胃
整體黎講呢間啲小菜係幾抵食嘅
不過份量真係唔多 一分錢一分貨啦
我哋四個人係旺角食人均先係＄80
所以性價比都算唔錯㗎啦
