淥鼎記

營業中

休息中

一坐低，迎接我哋嘅係贈送點心 - 炸蝦餅食落又香又脆，裏面更有大大隻鮮蝦，完全吸引到 R 下次嚟 <淥鼎記> 飲茶食點心😜今晚選擇<堂主套餐>，有主菜同任食火鍋部分🥳主菜揀咗老壇酸菜魚💞 魚片零腥味，滑捋捋，酸菜味同香辣味好過癮💛 份量好多但食唔停口😂 大推❣️嚟到任食火鍋部分，揀咗外貌吸引嘅龍蝦頭海皇海鮮鍋❤️‍🔥 鍋底好靚好澎湃🤩 原個龍蝦頭，真材實料😁 仲有豐富嘅龍蝦膏，鮮味滿分💯任食各款食材大滿足🙌🏻 包括但不限：芹菜香茜餃同韮菜豬肉餃內餡風味各有特色😇大推封門柳🤤 無限安哥之選🤭 脂肪香氣突出，口感柔軟🩵美國豬梅肉同伊比利亞黑毛豬脂肪香都好吸引😚 美國豬梅肉食落較脆口，而伊比利亞黑毛豬食落較滑，各有特色👍🏻紐西蘭羊肉片微羶，可以滿足專食羊羶味嘅朋友，又唔會羶到嚇到怕羶嘅人✌🏻沙白蜆、韓國生蠔有返咁上吓大隻，淥咗之後仲係大大粒，食到裏面精彩內涵💖海蝦新鮮，用竹纖串起好易食😎手打蝦丸、手打墨魚丸味道天然又彈牙😆多款自家製涼茶飲落順喉舒服，私心最欣賞竹蔗茅根🥰菠蘿夠甜，毫無怕酸怕多渣嘅顧慮☺️兩個鐘任飲任食，食到好飽🤗 如果想坐耐啲、傾耐啲，建議選擇無限時