丸十あぶり牧場 (已結業)

週五晚忽然想食日本野，無得訂位，唯有乖乖等位，等了約十五分鐘才被安排係bar 枱坐。我們點了個二人餐，有魚生又有鐵板燒，牛肉拼盆及海鮮都有，好豐富。先上魚生，味道般，這價錢可接受。跟住就係鐵板燒，真係成隻龍蝦俾晒我哋燒，份量十足，也新鮮，正😄！辣酒煮花螺味道不錯、蒸蛋也ok！最正係佢個和牛拼盤，很喜歡佢個盤，令我們清楚知道食緊牛的哪部份及名稱，可慢慢品賞，侍應也很好地教我們怎燒及點甚麼醬料，空間也寬闊！埋單$1000 有找，又和牛又龍蝦海鮮，抵食！飽到我哋捧住個肚同埋攞住個外賣盒帶埋食不晒的食物走。