走肉‧朋友 (已結業)

第一次食素食自助餐, 一開始係被個名吸引, 後來每次經過大角咀都見到人排隊, 所以決定試下。晚上太約8點黎到, 唔洗排隊但入面都好多人。雖然話入坐起計限時1個半鐘, 但我地都可以坐到關門。有好多種菜式選擇, 淨係個冷盤同沙律bar我都食左幾轉! 掛住食唔記得影相, 但薯仔沙律, 蘋果沙律, 薯粉, 雲耳, 青瓜, 車厘茄都好食, 好fresh。熱食除左基本既粥粉麵飯, 都有好多其他選擇, 例如pizza, 素魚蛋(?), 脆腐皮卷等等, 有D新穎既菜式, 幾好食, 食到好飽。由於餐廳提倡環保, 每人只會有一隻碟用, 亦都可以提醒大家夾番黎既要食晒佢, 唔好浪費食物。