僕之拉麵 (已結業)

平時都好鐘意周圍試拉麵，今日上網睇到呢間僕之拉麵，睇相賣相幾靚，又睇相見到鋪入面有一句「在這世間裏 我們唯一做不到的事 就係令你失望」，俾呢句野吸引左去試。嗌左個「特選」同埋「肉食之選」特選：上面啡色好長既肉個味好好味，有啲炭燒味，肉質都好恰當，唔硬亦唔係軟林林咁，湯底嗌左濃湯，好索湯，好好味👍🏻👍🏻👍🏻👍🏻👍🏻肉食之選：本身好驚啲角切肉粒口感唔好，一試落口有驚喜，煎香左…有小小炭燒味，口感仲好好，又唔會鞋，雖然啲叉燒都好好味，但啲肉我真係食唔曬😅😅😅湯底一樣嗌左濃湯，好味😋👍🏻👍🏻👍🏻👍🏻👍🏻