皇潮匯 (已結業)

公司附近原來有兩間皇廷集團的酒樓, 我都唔知添, 今次嚟呢間係皇潮匯. 都係第一次嚟炸. 我們點左幾個點心, 發現有一個套餐, 一碟炒米粉, 加一窩小雲吞都唔貴呀. 米粉有些味菜, 酸酸地都幾開胃, 小雲吞都好多粒, 幾好味, 個湯底係奶油津白, 好鮮甜呀.點心有鳯眼餃, 咖啡蒸鰻頭, 鳯爪, 都幾好味, 咖啡饅頭都幾得意呀, 有少少咖啡味, 唔算好出的.  都軟身的. 之後的星期五同部門又嚟飲茶, 今次叫左好多點心, 魷魚酥炸到好鬆脆, 好味呀, 素鵝都幾好, 豆腐都滑, 菜, 燒賣唔肥, 奶皇包, 鳯爪, 排骨, 蝦角炸到過火左, 所以好深色, 春卷都爽脆的....炒左一碟干燒伊麵, 但係好淡, 冇咩味, 叫仕應再叫廚房炒下佢, 好快就俾番我地, 味道就正常D. 最後送了每人一碗紅豆沙, 都幾甜, 但都好味道的.春風得意腸粉好味呀, 腸粉包住春卷, 都幾爽口呀.  我們放到成枱都係點心. 好誇張.  這裏的服務好好呀.