皇潮匯 (已結業)

恭喜阿頭升職我哋一行十幾個人，平時已經成日食利記所以今次揀呢間去慶祝😏印象中啲食物都幾好食可能因為成日都食利記嘅關係，食得多魚翅，食下粉絲都OK🤣其實之前都嚟過，我印象中食過兩次，今次第三次，但係今日就覺得啲食物麻麻哋首先講吓個叉燒包，我就覺得冇乜特別，不過有個嘴刁同事話個叉燒包有浸唔屬於叉燒包嘅味道，怪怪地🤫另外我就覺得舊豬腳個汁其實好好味，但係豬腳還豬腳，汁還汁，隻豬腳係冇味道嘅連鹹味都冇😱因為亞頭升職嘅關係，我地有幾個同事叫咗灌湯餃賀一賀佢😙唔知係咪因為好耐冇食，覺得都冇想像中咁特點，入邊啲餡太碎，我完全食唔出係啲乜，不過個湯夠熱OK嘅其他嘢都不過不失，春卷同蛋撻都仍然keep到👍🏻不過話說回來，佢哋啲點心就麻麻，但係啲小菜係幾好食👍🏻

今日約埋同事兩個人一齊去附近嘅茶樓食飯，去咗一間中午時間，可以餐選擇中午set嘅茶樓， 中午時間去到非常少人，等了一兩分鐘就已經可以入座， 兩個人亦可以被分配到四人座位， 我哋各自叫了一個瓜粒海皇泡飯， 同一個菠蘿京都骨飯， 等了10至15分左右， 店員將兩個餐送到我們的眼前， 一個餐基本上係包括一個配菜，一個主菜，一碗飯，同一個甜品，啲菜食落好新鮮，不過量就較少。另外京都骨夠多汁， 同飯一齊食非常之好食。 不過到了一點左右就開始多人，同比較嘈一些。 所以如果人多，提早book位會比較好。 今次嘅午餐，我同同事都食得非常之滿意，好滿足咁離開。

間唔中都會同同事飲茶，今日就去左皇潮滙。與附近酒樓比較，呢間唔大，一眼望晒，但坐得舒服，服務和食物質素都令人滿意。春卷好香脆，同事可能怕熱氣，無同我爭，我一個人食左半碟。叉燒腸，我麻麻地鍾意食腸粉，但有人話唔食腸粉就唔係飲茶，呢句話真係令人印象深刻。我知呢度蛋撻都好好食，但我通常飲茶唔會食蛋撻，因為實在有太多其他選擇，要留肚食其他野。魚湯浸菜苗，如果唔係白菜會更好。我地仲叫左叉燒餐飽&小龍包，叉燒餐飽好味好軟熟，下次黎一次會再叫。

同同事去飲茶, 4個人我們叫左一些點心, 另外叫左一份士多啤梨骨配星州炒米, 點心都係叉燒包, 叉燒都好JUICY, 唔會好肥, 好味, 叉燒腸粉, 都幾滑身呀, 叉燒都唔肥, 好味, 蝦餃OK, 還有XO醬腸粉, 份量好大份呀, 辣辣地好惹味. 仲有韮黃及蛋絲的, 還有芝麻, 好味呀.士多啤梨骨都好大碟, 係紅色架, 士多啤梨夠甜, 咁樣煮反而排骨唔會好漏添, 好多青椒, 仲有士多啤梨, 好味, 啖啖肉, 又唔肥, 好香甜的感覺. 星州炒米勁大碟, 炒得乾身又唔會好辣, 都幾足料的, 蝦, 紅及青椒絲, 芝麻, 雞蛋絲, 叉燒, 菜等. 我們都食唔晒, 要打包走.

母親節當天1:30左右，一行四人，到埗剛剛有位，都算好彩，這裏地方不算大，我相信可能較多人選擇了樓上同集團地方較大的皇廷酒家，不過這裏坐得都算舒適，—家人可以舒舒服服，在不太嘈吵的環境下閒談，是最好不過的了。以上為餐牌香煎蘿蔔糕 $22，煎得香口，蘿蔔絲亦算多，有口感，不會太鹹。春風得意腸 $29，分為三層，第—層腸粉皮有米味，不會過於彈牙而失去腸粉原有的口感，第二層脆脆的，內裏藏着蝦膠，不錯之選。水晶蝦蛟皇$29，蛟皮晶瑩剔透，蝦肉爽滑鮮美，熱辣辣新鮮出爐，更感美味。蟹籽燒賣皇$24，鮮美的蝦膠混和了肥瘦適中的豬肉，不過不失。流沙奶皇包$22，包皮尚算鬆軟，内裏奶皇不够鹹蛋皇沙的口感和獨特的香味，好彩不會太甜。潮州蒸粉果$22，外表晶瑩通透，饀料有花生，沙葛，蝦米粒和少量肉碎，因為用上適量的沙葛粒，增強了清爽的口感，不像其他的酒樓用了太多的肉碎而又欠缺了沙葛粒的調合。這個點心算是驚喜之作。⁠⁠芋茸海鮮盒$29，內裏除了有芋頭蓉之外，還有蝦粒…，都幾特別。潮式蠔仔泡飯$88一窩，上湯配上了絲瓜粒，潮式必用的冬菜粒和主角蠔仔，蠔仔都算多和鮮甜。茗茶每位$10，前菜$8，共消費$339。

公司附近原來有兩間皇廷集團的酒樓, 我都唔知添, 今次嚟呢間係皇潮匯. 都係第一次嚟炸. 我們點左幾個點心, 發現有一個套餐, 一碟炒米粉, 加一窩小雲吞都唔貴呀. 米粉有些味菜, 酸酸地都幾開胃, 小雲吞都好多粒, 幾好味, 個湯底係奶油津白, 好鮮甜呀.點心有鳯眼餃, 咖啡蒸鰻頭, 鳯爪, 都幾好味, 咖啡饅頭都幾得意呀, 有少少咖啡味, 唔算好出的.  都軟身的. 之後的星期五同部門又嚟飲茶, 今次叫左好多點心, 魷魚酥炸到好鬆脆, 好味呀, 素鵝都幾好, 豆腐都滑, 菜, 燒賣唔肥, 奶皇包, 鳯爪, 排骨, 蝦角炸到過火左, 所以好深色, 春卷都爽脆的....炒左一碟干燒伊麵, 但係好淡, 冇咩味, 叫仕應再叫廚房炒下佢, 好快就俾番我地, 味道就正常D. 最後送了每人一碗紅豆沙, 都幾甜, 但都好味道的.春風得意腸粉好味呀, 腸粉包住春卷, 都幾爽口呀.  我們放到成枱都係點心. 好誇張.  這裏的服務好好呀.