凱施餅店 (已結業)

今日陪朋友返上環公司做嘢佢公司好大好靚， 設施又好 好多 唔同嘅房可以畀同事weekend返嚟做下嘢 空間感好大， 冷氣又足， 響外國公司做真好。 做做下佢話好肚餓 ，要落去凱施餅店買包， 我問佢你樓下有超群麵包店，東海堂點解一定要買呢間， 原來係因為有呢個先製雞扒包， 同埋豬扒包。 雞扒包雞扒十分大塊 好厚肉 ，另外可以話佢夠juicy， 啖啖肉口感好正， 雞扒 有醃製過鹹味剛剛好 同埋 有微微煎過，有啲香口。 麵包都好新鮮 又做鬆軟嘅感覺， 呢個咁豐富嘅包只係買16蚊，認真抵食！ 順帶一提 ，依一款豬扒包同埋雞扒包， 唔係間間分店都有， 我響太子，灣仔店都未見喎～