凱施餅店 (已結業)

啲員工姐姐幾好人~~!平時見到糯米乜乜既麵包🥯、蛋糕🍰都會好想試！因為糯米製既包點都好好好食！好煙韌！口感好正！！！特別係糯米甜甜圈🍩，真係好好味！有機會一定要食下（之前係台灣到食的😍🥰🥰🥰☑️糯米提子蛋糕🍇🍰 $13但呢個冇想像中有糯米的口感。反而有啲似我細個（10年以上）美心定聖安娜隻提子乾長方條。都係比較甜，面層有層糖漿搽過的感覺。我自己唔會買第二次呢個😂反而幾鍾意佢既豆沙燒餅！

咖啡卷：咖啡味香濃，喜歡奶油薄薄一層又夠香，唔驚太肥。作為早餐或下午茶都方便，如果可以切埋件就更好。蛋撻：今天放工先去買，所以冇咁靚。上次食過新鮮出爐的凱施蛋撻，撻皮好鬆脆，有蛋味 而且不會過甜。

今日陪朋友返上環公司做嘢佢公司好大好靚， 設施又好 好多 唔同嘅房可以畀同事weekend返嚟做下嘢 空間感好大， 冷氣又足， 響外國公司做真好。 做做下佢話好肚餓 ，要落去凱施餅店買包， 我問佢你樓下有超群麵包店，東海堂點解一定要買呢間， 原來係因為有呢個先製雞扒包， 同埋豬扒包。 雞扒包雞扒十分大塊 好厚肉 ，另外可以話佢夠juicy， 啖啖肉口感好正， 雞扒 有醃製過鹹味剛剛好 同埋 有微微煎過，有啲香口。 麵包都好新鮮 又做鬆軟嘅感覺， 呢個咁豐富嘅包只係買16蚊，認真抵食！ 順帶一提 ，依一款豬扒包同埋雞扒包， 唔係間間分店都有， 我響太子，灣仔店都未見喎～

自從2014年11中旬，位於上環永樂街的 OK 便利店結業後，這個舖位一直無人問津！ 我都頗為期待日後租下這舖位會是開什麼類型店子？！直至10月份經過，才開始圍板裝修；起碼一個月前經過，已裝上<凱施餅店>招牌！卻是遲遲都未開業！ 相信是等到吉日才開業吧！踏入 2017 年的第一個工作天1月3日 (星期二)終於開業！ 店子供應麵包、蛋糕及飲品…等。單點熱飲 $12/ 凍飲 $14，熱飲配麵包 +$10/ 凍飲配麵包 +$12   飲品包括：好立克、柯華田、奶茶、咖啡、檸檬茶、檸檬水…等！兩個麵包配熱飲熱好立克 +$10好立克變成一團粉漿，奶味濃重，相對好立克的味道薄弱！ 微甜，附上兩包糖增添甜美度！白汁蝦仁包 $14蝦仁有大約八隻之多，份量算是交足貨！ 白汁口味清怡卻略為淡口！配上新鮮爽脆的生菜，勝在包身鬆軟微甜！富士卷 $9.5這款包完全大縮水！ 餡料有口感濕潤的碎蛋沙律、清新爽脆的生菜、酸甜的蕃茄、還有不算重口味的火腿片，表面是豬肉鬆，內外兼備！食完兩個麵包加一杯熱飲，作為午餐已經夠飽！