影片
更多
2019-10-15
921 瀏覽
一向好中意食車仔麵，但北角近年新開幾間都唔好食。上星期見到丹拿度嗰間日木三分上海嘢竟然隔一條街開左間車仔麵，好奇之下就嚟試下，點知非常有驚喜！首先價錢方面，而家d車仔麵店通常將d餸以價錢分類，菜呀腐皮嗰啲就7蚊8蚊，肉類例如雞翼牛腩同丸嗰啲就9蚊10蚊，名貴啲例如花膠嗰啲就11蚊至15蚊都有。但係呢度就所有餸都係劃一價錢，而兩餸起$34，三四五餸都係每加一款就只係加5蚊，即係五餸只係$49，好抵！咁抵又有選擇困難症嘅我無理由唔揀五餸！最後揀左墨魚頭、韮菜餃、蘿蔔、豬膶、咖哩魷魚，配米粉，中辣。一上枱大大碗已經覺得好豐富，最驚喜係除左一般粉麵檔會有嘅炸蒜同葱花之外，仲有櫻花蝦！成件事即刻高級左！湯底方面由於我叫左中辣所以唔係好知本身咩味，但似係比較濃味嘅紅燒/腩汁湯底。中辣對我嚟講剛剛好，佢嘅辣醬唔係潮州辣椒油嗰隻辣，有少少似係是拉差橙式醬嗰隻辣，好惹味。米粉正常，餸方面全部大大份，唔會因為只係5蚊一款將貨就價，性價比極高！跟住每款餸講少少！墨魚頭：從來未喺車仔麵店見有呢樣餸，本身中意食墨魚丸墨魚餅嘅我一見到就即刻揀左，結果非常驚喜！大大件爽口得嚟有嚼勁，有成5-6舊，值得推介！韮菜餃：
首先價錢方面，而家d車仔麵店通常將d餸以價錢分類，菜呀腐皮嗰啲就7蚊8蚊，肉類例如雞翼牛腩同丸嗰啲就9蚊10蚊，名貴啲例如花膠嗰啲就11蚊至15蚊都有。但係呢度就所有餸都係劃一價錢，而兩餸起$34，三四五餸都係每加一款就只係加5蚊，即係五餸只係$49，好抵！咁抵又有選擇困難症嘅我無理由唔揀五餸！最後揀左墨魚頭、韮菜餃、蘿蔔、豬膶、咖哩魷魚，配米粉，中辣。
121 瀏覽
0 讚好
0 留言
一上枱大大碗已經覺得好豐富，最驚喜係除左一般粉麵檔會有嘅炸蒜同葱花之外，仲有櫻花蝦！成件事即刻高級左！湯底方面由於我叫左中辣所以唔係好知本身咩味，但似係比較濃味嘅紅燒/腩汁湯底。中辣對我嚟講剛剛好，佢嘅辣醬唔係潮州辣椒油嗰隻辣，有少少似係是拉差橙式醬嗰隻辣，好惹味。米粉正常，餸方面全部大大份，唔會因為只係5蚊一款將貨就價，性價比極高！跟住每款餸講少少！
墨魚頭：從來未喺車仔麵店見有呢樣餸，本身中意食墨魚丸墨魚餅嘅我一見到就即刻揀左，結果非常驚喜！大大件爽口得嚟有嚼勁，有成5-6舊，值得推介！
韮菜餃：我對韮菜味情有獨鍾，平時食餃子必食韮菜餃，但奈何坊間好多餃子店d韮菜餃都係肉多過韮菜，唔啱我心水，估唔到呢度d韮菜餃正正係韮菜多過肉，size適中唔算細隻，唔記得有3定4隻，但總之好滿足！
蘿蔔：好記得銅鑼灣新記d蘿蔔係甜到好明顯係浸過糖水，食過一次怕怕！呢度嘅蘿蔔淡淡地清清地，多水無渣，索左辣湯汁之後味道啱啱好！有5-6舊。
豬膶：個人中意頂到剛剛熟嘅豬膶，呢度就煮得熟過龍，味道正常無苦味。有5-6舊。
咖哩魷魚：比較失望，完全無咖哩味，似係白烚再淋d咖哩汁上去，所以成條魷魚鬚仲係粉紅色無染到咖哩色。好彩都係爽口嘅，只係無乜味。
今次無試飲品，見到好似有自家製飲品，下次再試，因為一定有下次！
張貼
