日木三分車仔麵 (已結業)

$268 二人晚市套餐價錢 上海菜見到甘平，又包咁多嘢梗係要試下抵食到爆炸... 結果飽到傻左晚餐包括 小籠包 4隻前菜 自選兩款我地揀咗醉蝦同雞絲粉皮主食 都係自選兩款我地揀咗西檸雞同奶油津白再包括白飯兩碗或者菜飯兩碗我哋揀咗菜飯仲有一個自選上海甜品呢重點係唔使加一！😗就是$268😍全部嘢都好好食份量都好足夠好大碟😍😍完全唔係Hea煮最衰飽得滯如果唔係，都想食埋個高力豆沙下次再嚟試佢招牌嘅話梅骨同高力豆沙先！😆

無左車仔麵，轉左上海野。之前都食過港運城後面專做上海野既日木外賣，都唔差。今日就買外賣食（應該唔差得去邊既）上海粗炒$60擔擔麵$45（未食前影🫣）可能係小朋友既份量

😋日木三分💛北角小店--------------------👉🏼話梅骨等咗15分鐘先上菜係即整嘅骨邊炸到有濃邊話梅醬酸甜好食又開胃最好食係佢✨但其他就....正常普通嘢咁下次再試埋其他👉🏼上海炒年糕俾咗炒面🙄唔想浪費所以照食正正常常但偏油冇咩特別👉🏼小食：雲吞雞普普通通雲吞有2粒過淋，仲有位上菜嗰時已經穿咗👉🏼+ $6凍話梅綠茶話梅味酸酸地係養生嘅凍...唔係消暑嘅凍🙃M到飲都冇問題😎題外話當時電視播住31台介紹“國歌”食飯聽“國歌”唔襯架嘛🙃點可以咁對“國歌”嘅呢😤店員又真係半個鐘都唔轉台喎味道：🌕🌕🌗🌑🌑CP：🌕🌕🌗🌑🌑--------------------

嚟到呢間專食車仔麵嘅日木三分搭枱食飯，叫咗4個餸加米線 ($49)，分別有滷水蛋、南乳豬手、咖哩魷魚、紫菜，滷蛋同豬手都入味，咖哩魷魚少少彈牙，另外有紫菜，本身都灑咗少少蝦米，唔食炸蒜同蔥嘅記得要剔走。要讚讚杯自製凍薏米水 (+$9)，薏米畀得足料，味道唔會淡，去濕佳飲。

位於北角健威坊對面唔起眼既位置有一間叫日木三分。在同事一次幫手買飯時食過呢間的車仔麵便一試愛上。麵底我食過湯河粉同薯粉，湯粉香滑，薯仔好索湯，味道更正我多數會食酸齋，大大塊，好醒胃，魷魚，爽脆，豬大腸，好淋又乾淨，生菜，好嫰分量多湯底一定要試蒜蓉辣醬，更是成碗麵既靈魂，而且有蝦米，更加鮮。地方大，簡單木裝修，有冷氣，十分舒服開房式廚房，廚師都好快手，落單後等4分鐘就已經起菜。飲品有汽水，王老吉同自家制龍眼水，薏米水，唔洗怕熱氣，再去買涼茶，真係好方便

Lunch 想食車仔面，OpenRice order 定外賣自取可以慳返時間，上午忙完，終於等到lunch time , 滿心歡喜返到公司，終於可以食野啦⋯ 然後發現少左個送😢😢😢 仲要係最想食既炸腐皮失左蹤⋯ 3 餸變左2 餸⋯ 貴左之餘仲要願望落空⋯諗住打返去反映，打左幾次都無人聽，都算數了。正常車仔麵，無乜特別。好又一餐，唔好又一餐。。。

我最近又搵到間幾好食既車仔麵啦, 已經食過幾次~整體味道算不錯場內環境都算衛生整齊坐位基本,唔算太窄✔️湯底都幾有味，又唔會太咸✔️味道方面，Ｄ餸都醃得夠入味✔️份量都唔少✔️最正最推薦係佢個蒜蓉沙嗲汁，好惹味，唔辣，加完令成個湯都更香✔️佢既蔥有乾蒜係當中,喜歡既朋友記得叫多蔥好食：➽咖哩魷魚咖哩入色夠味➽滷水雞翼尖滷得好入味,雞翼尖好淋,有約5,6隻➽南乳豬手醃得入味又淋不推薦：➽韭菜餃有點普通佢係好大粒，有d 似上海云吞咁，厚皮都冇乜韭菜香➽司華力腸只是烚,沒有煎炸,所以很普通跟麵價錢:1餸 $322餸 $353餸 $424餸 $495餸 $56跟餐飲品$9下午茶2:15-5:30, 每碗減$83餸加野飲都係$51,係北角區黎講好ok 

聽朋友大力介紹呢一間嘅車仔麵，有一日做完嘢就即刻嚟搵呢一間車仔麵店。但係一開頭就搵咗另外一間入木三分嘅上海菜館。原來呢一區有兩間同名嘅餐廳，都幾難搵。四點幾嚟到，入邊一個人都冇，叫咗三餸車仔麵，包括豬紅，豬大腸，牛腩，仲叫咗杯特飲好似蜜糖水，嗰杯嘢好甜。豬紅同豬大腸都係正常發揮，牛腩就非常之韌。我記得最尾埋單都係40幾蚊，呢一個價錢就非常之抵，但係你叫我特登嚟我就唔會啦！

1300前入座，1303出單，到1340都未有野食。期間向樓面追單三次，無認真跟進。目測至少三至四檯有同樣遭遇，要發火才認真追單，更有緵被逼轉外賣離場。籲食其他食肆，無必要貼錢買難受。

第一次試呢間餐廳，一行六人被安排坐到最入，雖然有冷氣又可以自成一角，但始終都係後巷改建，拉塊布加幾張枱，難免都會有啲熱。食物質素都算中上，二餸一麵加埋杯凍檸茶都係$43，都算係良心價錢。我叫左辣汁魷魚加蘿蔔再配河粉，蘿蔔無乜渣而且都入味，個咖喱魷魚個汁岩岩好，唔會搶左魷魚嘅味道，魷魚亦都煮得岩岩好夠爽口。佢個河粉就一般般啦無乜特別。湯底都夠味，配埋個辣汁岩岩好。辣汁不過不失，都建議大家可以加少少。最後係佢杯凍檸茶，加左$9，但真心唔好飲，無茶味無甜味，如果唔係天氣熱大家可以唔加飲品。總括嚟講，$43都算係咁啦。

呢間車仔麵幾扺食，$49四個餸任揀，就入去試下！叫咗四個餸，發現嚟嘅時候比錯牛筋同埋漏咗韭菜餃，即刻侍應講，就比返我，都幾抵食。🍴四餸車仔麵 $49 (7.3/10)要咗滷水大腸，柱侯牛腩，咖哩尤魚，韮菜餃，油麵，腩汁加新秘製港式車仔蒜蓉沙嗲風味香辣醬，要葱。餸份量都幾多，每樣有5,6舊，韮菜餃有2隻，大腸入味真肥膏，好淋冇異味，牛腩唔鞋口，有肥膏唔痴牙都淋身，魷魚都大片少少彈牙，韮菜餃大隻，正常，韮菜味唔算好濃，啲餸基本上都幾好食！油麵正常份量，男仔食可能唔飽，可以+$9加底🤣麵比較幼身，煮得剛好，都彈牙，ok的，湯底有腩汁味，但冇咩沙嗲辣味，唔辣，得蒜蓉味，還好冇咩特別，整體嚟講都幾唔錯！推薦指數: 7/10啲餸自家製冇乜味精，食完唔口渴幾好，又唔會鹹，味道啱啱好，係個湯就冇咩特別，但都ok，可能下次試下辣汁先。

宜家放工夜晚8點幾想搵D野食既野都因為無晚市堂食, 淨得(食肆)嘅選擇又少之又少,用open rice app搵到此店收10點, 仲可以落定order, 到店即取便回家食見到中什麵$52 (都幾豐富有5餸-魚蛋, 豬皮, 豬紅, 蘿蔔, 魚肉春卷和豬大腸)咖喱魚蛋又香又辣又彈牙, 豬皮豬大腸唔會太淋有口感, 魚肉春卷一般不過不失, 只係蘿蔔煮得太過淋, 另外此餐可加$8有杯薏米水, 杯薏米水少少甜有好多薏米不會太淋好好食，正！今餐真係好滿足

今日中午lunch 第1次試呢間餐廳，我在公司用open rice app 可以下單，然後連BOP Pay 仲可以減$8，好平，糧尾恩物。而且去到餐廳時候可以即拎，不用花時間等餐👏🏻-叫左3餸 - 魚肉春卷、咖喱魷魚、韭菜餸+河粉。味道係正正常常，不會話太有驚喜，亦都完全可以接受，但呢個價錢就性價比好高。-外賣盒無加錢，仲有乾濕分離間隔。魚肉春卷有2條，韭菜餃都有2隻，魷魚正常有幾件。我覺得魷魚真係無味😅可能咖喱味俾湯底沖淡左，不過好有口感，SiZe 都算厚肉。魚肉春卷都算正常，可能Size 大大條，都有點飽。 反而我覺得最好食係韭菜餃，好夠味且juicy。麵底都好多，多到食唔曬，好飽。可以Anchor

今日嚟到食下午茶，全舖一個客都無，入到去已經無人招待，自己揾位，見到個餐牌已經想問清楚啲價錢，問佢下午茶係咪照tick張正價落單紙，答完係之後見我未tick就反晒白眼行開。睇翻張餐牌係送凍熱飲品，就望清楚餐牌個飲品list得一樣野要加錢，咁揀個無寫加錢的薏米水啦，正路個level應該仲cheap過凍檸茶啦。吖佢又幾好野，已經食緊碗麵，杯野飲係同張單據一齊分開遲上，嗰時先知加咗$8。開頭以為佢㩒錯正價跟餐（$8加野飲），之後佢輕輕講一句：柚子蜜以下加$8吖嘛，我呆一呆望張點餐紙，其實無任何字眼寫會額外收費，咁你講加$16都得？無計騎虎難下，唔通叫佢自己飲咗佢咩講真$8一定唔係貴，但咁既態度，咁唔清楚的餐牌，真係要迫我幫你寫個食評

外賣自取😆次次係OpenRice提早15分鐘嗌完就過去拎，時間岩岩好，真係好方便丫今次無晒河粉，雖然有啲可惜，就嗌左米線，都好唔錯啦。好欣賞佢個麵底都係撈晒汁真係好入味啊。白蘿蔔，個人喜好係必點好幸運次次食親都係好甜而且無渣的。食車仔麵一定要嗌既豬大腸😆我覺得都幾衛生，真係好好味😋通菜就正常，之前食西洋菜就更加埋沈上去既乾蔥蒜頭，真係香噴噴3餸$40幾蚊個人黎講，份量好足，真係覺得好抵食啦！