火五越式牛肉粉專門店 (華生樓) (已結業)

咁啱今日去太子，行到界限街搵到呢間幾多人等位嘅越南粉麵店，我自己一個所以快啲有位，正啊！今日點左一下食物：火五生熟牛肉河($58)呢個價錢有咁大碗真係唔話得。而且牛肉片都幾多，有生牛肉嘅軟嫩，又有熟牛肉嘅濃味，個湯底都唔話得，好濃厚嘅牛肉味，加上啖啖滑溜嘅河粉，啖啖滿足。手作大蝦米紙卷（$38）蝦嘅份量都唔少，加上生菜爽脆，仲有檬粉嘅爽口，幾鐘意。青檸梳打（$19）呢個用左平時外賣台式飲品包裝，好特別啊，飲落亦好清爽，唔會好甜。