韓珍 (帝國中心) (已結業)

喺香港地道嘅韓國餐廳有好多，但要搵一間性價比高而且服務好嘅餐廳都幾難。今日就同三個朋友去咗尖東搵食，搵到呢間韓國餐廳，食完之後令到我呢個平時都好少食韓國嘢嘅人重新愛上韓國菜。呢間餐廳喺帝國中心嘅2樓扶手電梯旁邊，今日到達嘅時間比較遲所以都唔使等位可以直接入去坐，呢間餐廳嘅環境好大，都坐得幾舒服。成班朋友都係食肉獸，但係我就想食多啲菜，所以呢就決定叫咗一個好抵食嘅晚市套餐。前菜係送嘅，有成五六碟咁多。第一道菜係一個南瓜沙律，個南瓜食得非常美味。呢個係一個非常入味嘅牛肋骨 。除餐附送一個蛋餅。呢個就係今晚嘅主食，絕對啱晒一班牛魔王。叫到成枱都係嘢食🥳🥳🥳 開始燒緊，個抽風系統唔錯，油煙味唔算勁。仲叫咗個人心鮑魚雞湯添。叫咗一瓶米酒，超好飲🤗🤗最後仲會送每人一個雪糕，整體來講係一個令人非常愉快嘅晚餐。