千盛 (已結業)

何文田窩打老道有間日式小店，主打和牛燒肉🥩餐廳裝修富日式風格，店面唔大；老闆娘好親切，同客人好似朋友咁傾計😊 日式照燒鳥丼🐓朋友唔食牛，點咗個照燒雞肉丼。雞肉幾嫩滑，加埋粟米同洋蔥幾香甜。成個雞肉丼唔係好濃味。 A5熊本縣 藤彩和牛燒肉套餐 梅(100g)🐂套餐包括和牛、蟹子沙律、麵豉湯同珍珠飯。因為得我一個人食，所以點100g都夠。老闆娘好細心咁解釋熊本懸嘅藤彩和牛同普通和牛唔同，藤彩和牛生活喺火山隔離，土壤有豐富嘅礦物質，牛肉顏色會鮮艷啲，相對都冇咁多脂肪。燒肉配上柚子醋、鹽同自家製黑蒜汁，好香牛味，肉質嫩滑，唔會好重油脂味👍🏻 日式餃子🥟啱啱煎起夠脆口，肉汁飽滿。