阿久根和牛立燒店 (已結業)

有朋友去日本post過立食燒和牛，而且可以遂件點，試試不同部位，價錢又抵，已經好想試試。今日入開飯搵食，偶然見到呢間和牛立食，仲要係屋企付近😍機會嚟啦，即刻同老公去試試。店舖細細幾骨子，試左5件牛套餐，飯面有香鬆好味道，味噌湯有2隻蜆仔幾鮮味，牛肉都唔錯，生菜免費任點。另外點左啲蔬菜，重點係牛舌~淋滑香口😚,A5西冷有牛香，A4肉眼更是全晚至愛，追加左上3項各2件，滿足。仲試埋沖繩麥啤同花茶。整體來說好滿意，會再來。